Markaziy bank O‘zbekistonda ichki valyuta bozorining 2022-yil holati bo‘yicha sharhini taqdim qildi.
-6.jpg)
Unga ko‘ra, o‘tgan yili aholi tomonidan banklarga 11,9 mlrd dollar miqdorida xorijiy valyuta sotilgan bo‘lsa, 8,9 mlrd dollarlik valyuta sotib olingan. Aholi 2021-yilga nisbatan qariyb ikki barobar ko‘p chet el valyutasini sotib olgan.
Shuningdek, yil davomida jismoniy shaxslarning xorijiy valyuta taklif hajmi unga bo‘lgan talab hajmidan 2,9 mlrd dollariga ortiq bo‘lgan.
Bundan tashqari, 2022-yilda xalqaro pul o‘tkazmalari orqali O‘zbekistonga 16,9 mlrd dollar miqdorida valyuta mablag‘lari kelib tushgan bo‘lib, ushbu ko‘rsatkich o‘tgan yillarga nisbatan sezilarli darajada oshgan. (2020-yilda 6 mlrd dollar va 2021-yilda 8,1 mlrd dollar).
Ushbu holat quyidagi omillar bilan izohlanadi:
- avval yuklab jo‘natilgan mahsulotlar (ko‘rsatilgan xizmatlar) (debitor qarzdorlik) bo‘yicha to‘lovlar hamda eksport uchun oldindan to‘langan bo‘naklarning oshishi;
- Rossiyadagi geosiyosiy vaziyat ta’sirida (kapitalni saqlab qolish maqsadida) mamlakatdan chiqib ketgan valyuta mablag‘larining ayrim qismini eksport tushumlari ko‘rinishida hamda import shartnomalari bo‘yicha oldindan to‘lov sifatida O‘zbekistonga kirib kelishi;
- Rossiya hukumati tomonidan “parallel” importga ruxsat berilishi va Rossiya kompaniyalari tomonidan Yevropa bilan bog‘liq bo‘lgan importni Markaziy Osiyo, xususan O‘zbekiston orqali amalga oshirayotganligi.
Izoh (0)