Kristian Eriksen jarohat tufayli 3 oyga safdan chiqdi 

“Manchester Yunayted” yarim himoyachisi Kristian Eriksen Angliya Kubogi doirasidagi “Reding”ga qarshi bahsda jarohat oldi.

Mankunianliklar matbuot xizmatining xabariga ko‘ra, daniyalik futbolchi aprel oxiri yoki may oyining boshida maydonga qaytishi mumkin.

Eriksen “Reding”ga qarshi bahsda Endi Kerrolning qo‘polligi tufayli oyog‘idan jarohat olgandi. Keyinchalik Kerrol ikkinchi sariq kartochkasini olib, maydonni tark etgandi. 

30 yoshli futbolchi 2022/23-yilgi mavsum “Manchester Yunayted” safida 31 ta o‘yinda maydonga tushib, 2 ta gol va 9 ta golli uzatmaga mualliflik qildi.