Figurali uchish bo‘yicha O‘zbekistonning 10 karra chempioni Tatyana Malininaning 18 yoshli o‘g‘li AQSH chempioniga aylandi

Figurali uchish bo‘yicha AQSH chempionatida 18 yoshli Ilya Malinin oltin medalga sazovor bo‘ldi.

Ilya Malinin o‘zbekistonlik sportchilar Roman Skornyakov va Tatyana Malininaning o‘g‘li hisoblanadi.

Tatyana Malinina figurali uchish bo‘yicha O‘zbekistonning o‘n karra chempioni, Osiyo o‘yinlari g‘olibi va qishki Olimpiya o‘yinlari ishtirokchisi hisoblanadi. Skornyakov ham figurali uchish bo‘yicha O‘zbekiston terma jamoasining sobiq vakili hisoblanib, 1998 va 2002-yilgi Olimpiadada ishtirok etgan.

Ilya Malinin 2004-yil dekabrda AQSHning Virjiniya shtatida tug‘ilgan va xalqaro musobaqalarda Amerika bayrog‘i ostida qatnashadi. U yoshlar va kattalar o‘rtasidagi bir nechta xalqaro musobaqalar sovrindori hisoblanadi. Ilya 2022-yilda musobaqada to‘rttalik aksel mashqini muvaffaqiyatli bajargan va buni amalga oshirgan tarixdagi ilk sportchiga aylangandi.