2023-yilda neft narxi 16 foizga tushishi prognoz qilindi

Xalqaro valyuta jamg‘armasi (XVJ) bir barrel neft narxi joriy yilda 16,2 foizga tushib, 81,13 dollar bo‘lishini prognoz qilmoqda. Bu haqda “Daryo”ga jamg‘arma hisobotidan ma’lum bo‘ldi.

“2023-yilda neft narxi taxminan 16 foizga tushadi, yoqilg‘i bo‘lmagan tovarlar narxi esa o‘rtacha 6,3 foizga tushishi kutilmoqda”, — deyiladi hisobotda.

Ma’lumotlarga ko‘ra, 2022-yil 29-noyabr holatiga fyuchers bozorlarida hisoblangan o‘rtacha prognoz narxi 2023-yilda 81,13 dollarni, 2024-yilda esa 75,36 dollarni tashkil qiladi. Shunday qilib, kelgusi yilda neft narxi 7,1 foizga pasayadi.

XVJ ma’lumotlariga ko‘ra, energiya bozorlari Ukrainadagi urush tufayli yuzaga kelgan iqtisodiy zarbalarga kutilganidan tezroq moslashdi.

Biroq o‘tgan yili global energiya va oziq-ovqat narxlarining keskin o‘sishi hayot uchun tannarx inqirozini keltirib chiqardi. 

Ta’kidlanishicha, Ukrainadagi urush tufayli neft, gaz va oziq-ovqat narxlarining kutilganidan yuqori bo‘lishi inflyatsiyani yana oshirishi mumkin.