1XBet o‘yinchilarga pul to‘lamagani uchun bankrot deb e’lon qilindi

Niderlandiya Oliy sudi o‘yinchilarga pul to‘lanmagani uchun Kiprda joylashgan mashhur 1XBet bukmekerlik kompaniyasini bankrot deb e’lon qildi. Bu haqda sud qaroriga tayanib, Curacao Cronicle xabar berdi.

1XBet kompaniyasini Onlayn o‘yin qurbonlarini himoya qilish jamg‘armasi sudga bergan.  Bukmeker kamida 18 nafar o‘yinchiga taxminan 1 million yevro miqdoridagi yutuqlarini to‘lamagani ta’kidlanadi. Shuningdek, soliq idoralari 1XBet’ga qarshi 1 million yevrodan ortiq mablag‘ni talab qilgan.

Sirtdan 1XBet Niderlandiyaning birinchi instansiya sudi tomonidan 2021-yilda bankrot deb topilgan, biroq qaror ustidan apellyatsiya berilgan. Oxir-oqibat bu ish Gaagadagi Niderlandiya Oliy sudiga yetib borgan va 1xBet bankrotligi haqidagi qarorni o‘zgarishsiz qoldirgan.

“Ko‘p sonli qimor o‘yinchilari 1XCorp’da aldanib qolgan, ularga pul to‘lanmagan. Bankrotlik e’lon qilish uchun qarzdor—1XCorp qarzini to‘lamasligi kerak. Oliy sudga ko‘ra, bankrot deb e’lon qilinishi 1XBet talab qilingan pulni to‘lamasligini o‘zi kifoya qiladi”, — deyiladi xabarda.

Ma’lumot uchun, Shavkat Mirziyoyevning 2022-yil 6-aprel kungi farmoni bilan O‘zbekistonda bukmekerlik faoliyatini amalga oshirish tartibi bekor qilingan.