Gollivud yulduzlarining qizil gilamda taqib chiqqan hashamatli marjon, uzuk, sirg‘a va bilaguzuklarining bahosi ba’zida samolyot narxiga teng bo‘ladi.
Ledi Gaganing kuloni (30 million dollar)
Foto: Marie Claire
Bu kulon, albatta, moda tarixiga kirdi (va bir necha marta). Ledi Gaga 128,54 karatli Tiffany & Co sariq olmosli marjonni “Yulduz tug‘ildi” filmidagi roli sabab “Oskar”ga sazovor bo‘lgan kuni taqqan. Noyob tosh 19-asrning eng muhim gemmologik topilmalaridan biri hisoblanadi. U 1877-yilda Janubiy Afrikadagi Kimberli konlaridan topilgan. Kompaniya asoschisi Charlz Luis Tiffani 1878-yilda ishlov berilmagan olmosni sotib olish bilan brendning "yorqin" obro‘sini mustahkamlaydi. Marjonning narxi 30 million dollarni tashkil etadi va qo‘shiqchidan oldin Odri Xepbern “Tiffanidagi nonushta” kult filmini reklama qilganida hashamatli bezakdan foydalangan.
Sharliz Teronning marjoni (15,8 million dollar)
Foto: Marie Claire
2014-yilda Sharliz Teron “Oskar” marosimining qizil gilamida Harry Winston brendiga tegishli salkam 16 million dollarlik marjonda paydo bo‘ldi. Marvarid 21 karatli zumrad bilan bezatilgan bo‘lib, uning hashamatli olmos sirg‘alari bilan ajoyib tarzda uyg‘unlashgan. Sharliz o‘sha bazmda taqqan zargarlik buyumlarining umumiy qiymati 15,8 million dollarni tashkil etdi.
Sofiya Vergaraning sirg‘alari (7 million dollar)
Foto: Marie Claire
2013-yilgi “Emmi” mukofotining qizil gilamida Sofiya Vergaraning 7 million dollarlik sirg‘alari olqishlarga sazovor bo‘ldi. Lorraine Schwartz brendining bezagi marvarid yoqut, safir va Kolumbiya zumradlari bilan bezatilgan.
Nikol Kidmanning marjoni (7 million dollar)
Foto: Marie Claire
Hashamatli marjon nafaqat qimmat, balki juda g‘ayrioddiy dizaynga ega. 2008-yilda “Oskar” marosimi uchun Nikol L’Vren Skott’ga tegishli 7500 ta olmos bilan bezatilgan taxminan 7 million dollarlik olmos marjonini tanladi. Bunday zargarlik buyumini yaratish uchun 6000 soatdan ko‘proq vaqt kerak bo‘lgan, ammo natija bunga arziydi.
Keyt Blanshettning sirg‘a, uzuk va bilaguzugi (18 million dollar)
Foto: Marie Claire
Hech kim olmos va hashamatli Giorgio Armani liboslari bilan Keyt Blanshett kabi organik ko‘rinmaydi. 2014 yilda “Oskar” qizil gilamida u ajoyib Chopard taqinchoqlarini tanladi: opal sirg‘a, olmos bilaguzuk va hashamatli nok shaklidagi toshli uzuk. Zargarlik buyumlarining umumiy qiymati 18 million dollarga yetdi.
Anjelina Jolining sirg‘asi (2,5 million dollar)
Foto: Marie ClaireAnjelina Joli o‘ziga xos kiyinishni biladi. Shu bilan birga, u diqqat markazida bo‘lish uchun jozibali va qimmat libosda kiyinishi shart emas. 2009 yilda Joli Oskar marosimida zumraddan yasalgan sirg‘alar bilan to‘ldirilgan oddiy qora libosda chiqdi. Ajoyib bezaklar narxi 2,5 million dollarga teng.
Ledi Gaganing marjoni (5 million dollar)
Foto: Marie Claire
Ledi Gaga chiroyli va qimmatbaho zargarlik buyumlarini yaxshi ko‘radi. 2019-yilda “Oltin globus”ga dabdabali Tiffany & Co marjonlarini taqib keldi. 20 karatli nok shaklidagi markaziy tosh 300 ta boshqa olmos bilan o‘ralgan. Zargarlik buyumlarining narxi 5 million dollarga teng.
Izoh (0)