Rossiya prezidenti Vladimir Putin Boris Jonson bilan suhbatida raketa bilan tahdid qilmagan, Buyuk Britaniya sobiq bosh vazirining bu haqdagi so‘zlari “tushunib, tushunmay” aytilgan yolg‘on, dedi Rossiya prezidenti matbuot kotibi Dmitriy Peskov jurnalistlarga.
“Yo‘q. Jonson aytgan gaplar haqiqatga to‘g‘ri kelmaydi. Aniqrog‘i, bu yolg‘on”, — dedi Peskov.
U Buyuk Britaniya sobiq bosh vaziri bu haqda tushunib yo tushunmay aldagan bo‘lishi mumkinligini qo‘shimcha qildi. “Yoki bu ongsiz yolg‘on bo‘lgan, Jonson aslida prezident Putin u bilan nima haqda gaplashayotganini yaxshi tushunmagan. Prezidentimizning suhbatdoshi uchun o‘zimizni noqulay his qilyapmiz ”, — davom etdi Peskov.
“Hech qanday raketa tahdidi bo‘lmagan. Rossiya xavfsizligiga oid muammolar haqida gapira turib Putin Ukraina NATOga qoʻshilgan taqdirda, bizning chegaralarimizda NATO yoki Amerika raketalarining joylashtirilishi har qanday raketa bir necha daqiqada Moskvaga yetib borishini anglatishini taʼkidlagandi” — dedi prezident matbuot kotibi.
“Putin G‘arbga qarshi” hujjatli filmida Jonson Rossiya prezidenti bilan 2022-yilning fevral oyida, ya’ni urush boshlanishidan sal oldinroq telefonda gaplashgani, suhbat juda uzun va noodatiy bo‘lgani haqida aytib bergandi. Suhbatda Jonson Putinni Ukrainadagi urush halokatli bo‘lishi, G‘arb sanksiyalariga va Rossiya chegaralari yaqinida NATO kuchlarining ko‘payishiga olib kelishi haqida ogohlantirgan. Bunga javoban, Jonsonning so‘zlariga ko‘ra, Putin raketa zarbasi bilan tahdid qilgan.
“Bir payt u menga qandaydir tarzda tahdid qilib shunday dedi: Boris, sizni xafa qilishni xohlamayman, lekin raketa bilan bunga bir daqiqa yetarli bo‘ladi”, — dedi Jonson Rossiya prezidentning so‘zlarini keltirib.
Izoh (0)