Qoraqalpog‘istonning Nukus shahridagi ko‘p qavatli uyda 29-yanvar kuni gaz chaqnagani haqida xabar berilgan edi. FVV holat yuzasidan qo‘shimcha ma’lumot berdi.
.jpg)
Respublika Tezkor shtabi ma’lumotiga ko‘ra, gaz-havo aralashmasining chaqnashi tufayli portlash sodir boʻlgan. Natijada uydagi bir nechta xonadonlarning tom va pol qismlari oʻpirilib, 4-qavatdan 1-qavatgacha tushib ketgan.
Birlamchi maʼlumotda voqea natijasida ikki nafar fuqarolar yengil tan jarohati bilan shahar shifoxonasiga joylashtirilganligi bildirilgan edi, ikkala jabrlangan fuqarolar zaruriy tibbiy hamda psixologik yordamni olishgan va ayni vaqtda ular shifoxonadan chiqarilgan.
.jpg)
Olib borilgan qidiruv-qutqaruv ishlari davomida vayronalar ostida qolib ketgan 5 yoshli qizaloq turli darajadagi jaroxatlar bilan qutqaruvchilar tomonidan chiqarib olinib, malakali tibbiy yordam ko'rsatish uchun shifoxonaga yuborilgan.
Bino konstruksiyalari orasidan qidiruv-qutqaruv ishlari olib borish jarayonida bir nafar fuqaroning jasadi topilgan.
Ayni vaqtda binoning konstruksiyalarini tozalash ishlari davom ettirilmoqda.
Izoh (0)