Spayk laqabli chixuaxua dunyodagi eng keksa it sifatida Ginnesning rekordlar kitobiga kiritildi. It hozir 23 yoshda.
![](/static/nasiba/photo_2023-01-28_14-56-58.jpg)
Spayk oxirgi 13 yil davomida Rita Kimbellning Ogayo shtatidagi fermasida yashab kelmoqda. Ayol itni 2009-yilda ko‘chada oziq-ovqat do‘koni yonidan topib olgan va uni boqib olishga qaror qilgan.
“Uning orqa qismidagi tuklari qirqilgan, bo‘ynida zanjir yoki arqon sabab qon izlari bor edi. U atrofdagilarga ahamiyatsiz ko‘rinar edi. Do‘kon sotuvchisi bizga bu it uch kundan beri aylanib yurganini va ular unga ovqat qoldiqlarini berishayotganini aytdi”, — deb eslaydi Rita. Kimbellning so‘zlariga ko‘ra, chixuaxua darhol uning orqasidan ergashgan va tezda yangi uyga ko‘nikib qolgan.
![](/static/nasiba/photo_2023-01-28_15-59-05.jpg)
Spayk har kuni tongda soat 7:00 yoki 7:30 da uyg‘onadi. Odatda it turgan zahoti nonushta qiladi, biroq ba’zida ertalabki taomni o‘tkazib yuboradi.
It ko′p hollarda ertalab xo‘jayiniga hamrohlik qiladi. "U fermadagi hayvonlar: sigirlar, otlar va mushuklarga qaraydi”, — deydi Rita. Ertalab sayr qilgandan so‘ng, Spayk uyga qaytadi va uy bekasi o‘ziga qahva tayyorlaguncha ayvonda uxlab, ertangi kunga tayyorgarlik ko‘radi.
“Fermada har doim qilinadigan ishlar bor: biz o‘tin chopamiz, manzarali butalarni parvarish qilamiz, pichanlarni to‘plarga joylashtiramiz, hosil yig‘amiz”, — deydi Kimball. U shuningdek, it shanba kuni cho‘milishni yaxshi ko‘rishini aytdi. Ovqatlariga kelsak, Doritos chipslari Spaykning sevimli taomi bo‘lgan, biroq hozir it pishloqli dudlangan kolbasani yoqtiradi.
![](/static/nasiba/photo_2023-01-28_16-01-15.jpg)
“Hozir u rekordchiga aylanganidan so‘ng, u mashhur it sifatida qabul qilinadi. Ular (Kimbellning qarindoshlari) itning bunchalik uzoq yashaganiga ishonmayapti”, — deydi Rita. Kimbellning so'zlariga ko'ra, Spayk uning nevaralari bilan yaxshi munosabatda bo'ladi va hech qachon begonalarni tishlamagan, biroq har doim ham ortiqcha e’tibor berishlari unga yoqmaydi.
![](/static/nasiba/photo_2023-01-28_16-03-03.jpg)
“U g‘amxo‘r, biroq it allaqachon ko‘rish va eshitish qobiliyatini yo‘qotgan, ba’zida asabiylashadi va shunchaki yolg‘iz qolishni xohlaydi”, — deydi itning egasi.
Izoh (0)