“Tolibon”ning yuqori martabali amaldorlari o‘zlarining oliy yetakchisi mulla Haybatulla Oxundzodani taxtdan ag‘darish masalasini ko‘rib chiqmoqda. Bu haqda News 18 xabar berdi.
Ma’lumot Afg‘onistondagi yuqori manbalar tomonidan berilgan, Oxundzodaning lavozimidan ketishiga ayollarning ta’lim olishiga qo‘yilgan taqiq sabab qilib ko‘rsatilgan. Avval ham Afg‘oniston bosh vaziri Abdul Gʻani Barodar ayollarning o‘qish va ishlashiga qo‘yilgan taqiqqa qarshi chiqib, fuqarolardan o‘z huquqlariga ega chiqishni talab qilgandi.
“Tolibon” yetakchisi mulla Haybatulla Oxundzoda ayollarning ta’lim olishiga qo‘yilgan taqiqning bekor qilinishi yuzasidan “Haqqoniy tarmog‘i” guruhi asoschisining o‘g‘li Sirojiddin Haqqoniy va “Tolibon” asoschilaridan birining o‘g‘li Mulla Yoqub bilan uchrashishdan bosh tortgan.
Agar “Tolibon” yetakchisi taxtdan ag‘darilsa, uning o‘rnini Abdul Gʻani Barodar egallashi kutilmoqda. Bu bo‘yicha dastlabki muzokaralar olib borilmoqda.
2022-yil dekabr oyida ayollarning universitetlarda o‘qishini taqiqlash to‘g‘risidagi qaror “Tolibon”ning yuqori amaldorlarida norozilikka sabab bo‘ldi. Ammo ularning noroziligi samara bermadi, chunki Oxundzoda xalqaro bosimga qaramay taqiqni bekor qilmasligini ta’kidlamoqda.
“Ammo Haqqoniy va Yoqub Afg‘oniston uchun xalqaro ko‘mak juda muhim ekanini ta’kidlab, bu pozisiyani qabul qilishni istamaydi”, — deydi manbalar.
Mavzuga doir: “Tolibon” rasmiysi ayollar uchun universitet va maktablar mart oyidan qayta ochilishini aytdi
Izoh (1)
Qaydan oladi bunaqa baladparvoz raqamlarni. Hech narsani ishlab chiqarish oshmadi. Faqat narh navo oshdi. Bir yil ichida narh navo o‘rtacha 50 foiz oshdi.