Rossiyaning Sankt-Peterburg shahrida o‘zbekistonlik erkak boshqaruvidagi BMW mashinasi “Gazel” bilan to‘qnashib ketdi. Bu haqda 78.ru xabar berdi.
Ma’lum qilinishicha, BMW’ni o‘zbekistonlik 28 yoshli erkak boshqargan. Voqea sodir bo‘lgan vaqtda mashina ichida 33 yoshli ayol ham bo‘lgan. U turli darajadagi jarohatlar bilan og‘ir ahvolda shifoxonaga yotqizilgan.
O‘zbekistonlik erkak esa hodisa joyida halok bo‘lgan. "Gazel" haydovchisining ahvoli haqida hech qanday ma’lumot berilmagan.
Avvalroq Rossiyadagi “Farg‘ona choyxonasi”da o‘zbekistonlik yigit hamyurtlarini pichoqlagani va ulardan biri vafot etgani haqida xabar berilgan. Shuningdek, Qozog‘istonning Aqmola viloyatidagi ishlamayotgan “Bestobe” koni hududida noqonuniy oltin qazib oluvchilar o‘zbekistonlik erkakning jasadini aniqlagani ma’lum qilingan.
Izoh (0)