Qoraqalpog‘istonning Nukus shahridagi ko‘p qavatli uyda 29-yanvar kuni gaz chaqnadi. Favqulodda vaziyatlar vazirligi holat yuzasidan ma’lumot berdi.
Qayd etilishicha, soat 16:15 larda Nukus shahri “Temir jol” mahallasida joylashgan 4 qavatli uyda dastlabki ma’lumotlarga asosan havo-gaz aralashmasining chaqnashi sodir bo‘lgan.
Voqea joyida Favqulodda vaziyatlar boshqarmasi qutqaruvchilari hamda Favqulodda vaziyatlar davlat tizimiga kiruvchi tashkilotlar xodimlari tomonidan vaziyat oqibatlarini bartaraf etish ishlari olib borilmoqda.
Qoraqalpog‘iston Sog‘liqni saqlash vazirligi xabariga ko‘ra, chaqnash oqibatida 2003-yilda tug‘ilgan S.Sh. hamda 2004-yilda tug‘ilgan Z.A. kuyish jarohati olib, shahar shifoxonasiga joylashtirilgan. Mazkur hodisa Markaziy kengash nazorati ostida.
Mavzuga doir:
Izoh (0)