NATO harbiy qo‘mitasi raisi admiral Rob Bauer Shimoliy Atlantika alyansi Rossiya bilan qarama-qarshilikka tayyorligini aytdi. U Portugaliyaning RTP telekanali efirida bu haqda gapirdi.
Admiralning so‘zlariga ko‘ra, Rossiya alyansga a’zo mamlakatlardan biriga bostirib kirish orqali qizil chiziqni kesib o‘tgan taqdirdagina NATO javob berishga tayyor bo‘ladi. Bauer NATO harbiy tashabbus bo‘yicha o‘z monopoliyasini yo‘qotganini va ayni damda alyansning ustuvor yo‘nalishi qayta qurollanish ekanini aytdi. U Rossiyaning strategik maqsadlari Ukraina chegarasidan tashqariga chiqayotgani va Moskva “Sovet Ittifoqining qaytishi”ga intilayotgani haqidagi fikrni bildirdi.
NATO rasmiysi u Ukrainaga Gʻarb qurollarini yetkazib berish mojaroning avj olishi emasligi, chunki “Ukraina o‘ziga tegishli narsalarni qaytarishga harakat qilayotganini ta’kidladi va agar Rossiya to‘xtasa, unda keskinlashuv bo‘lmasligini xulosa qildi.
Avvalroq Vengriya bosh vaziri NATO qo‘shinlari Ukrainaga yuborilishi mumkinligini aytgandi. Uning fikricha, agar Rossiyaning bahorgi hujumi muvaffaqiyatli o‘tsa, NATO davlatlari Ukrainaga qo‘shin yuborish masalasini ko‘rib chiqishi kerak.
Bloomberg nashri Putin Rossiya armiyasidagi yo‘qotishlarga qaramay, bahorda Ukrainaga qarshi yangi hujumni rejalashtirayotganini xabar qilgandi.
Izoh (0)