Qishda shamollashlar soni an’anaviy ravishda ortadi. Buning sababi ob-havo sharoiti, uyda ko'proq vaqt o‘tkazish, boshqa odamlar bilan yaqin aloqada bo‘lish bilan bog‘liq. Shuningdek, virusni havo tomchilari orqali olish ehtimoli yuqori. “Pravila jizni” nashri qanday qilib kamroq kasal bo‘lish kerak va buning uchun nimalarga e’tibor berish lozimligini sanab o‘tdi.
Ovqat hazm qilish traktini yaxshilash
Immunitet holati 70-80 foiz ichak salomatligiga bog‘liq. Ichak mikroflorasi immunitet reaksiyasini tartibga soladi. Agar u muvozanatdan chiqsa, u holda umumiy himoya yo‘qoladi. Shuning uchun ovqat hazm qilish tizimining faoliyatini yaxshilash muhimdir. Bunga erishishning birinchi va eng qulay usuli ovqatni yaxshilab chaynash. Chaynash jarayoni nafaqat ovqatni maydalash imkonini beradi, balki normal hazm qilish uchun zarur bo‘lgan fermentlarning chiqarilishini ham ta’minlaydi.
Ba’zida ovqat hazm qilishni yaxshilash uchun ayrim mahsulotlardan cheklanish kerak. Bularga shakar, tarkibida kleykovina bo‘lgan tozalangan mahsulotlar, sut mahsulotlari, soya (pomidor, qalampir, baqlajon), transyog‘lari va qovurilgan ovqatlar kiradi. Allergiyaga chalinganlar uchun sut, tuxum, baliq va dengiz mahsulotlari, yong‘oq, bug‘doy, yeryong‘oq bu ro‘yxatga qo‘shiladi. Agar allergiya bo‘lmasa, bu mahsulotlar miqdorini cheklash yetarli bo‘ladi.
Ichak mikroflorasini me'yorga keltirish
Doimiy ravishda prebiyotik manbalarini (mikroflora uchun oziq-ovqat) iste’mol qilish: shakarsiz kletchatkali mevalar, yangi sabzavotlar, gulkaram, brokkoli, dukkaklilar va qayta ishlanmagan donalar (jigarrang va yovvoyi guruch, grechka , kinoa iste’mol qilish tavsiya etiladi.
Mikroelementlarni to‘ldirish
Immunitetning asosi bo‘lgan vitamin va minerallar orasida eng asosiylarini ajratib ko‘rsatish mumkin: A, E, C, D vitaminlari va selen, rux, magniy minerallari. Garchi bugungi kunda ushbu elementlarning barchasini o‘z ichiga olgan parhez qo‘shimchalarini sotib olish mumkin bo‘lsa-da, har kuni to‘liq va to‘g‘ri ovqatlanish samaraliroqdir.
Hayvon manbalaridan olingan vitaminlar allaqachon inson organizmida o‘z xususiyatlarini to‘liq namoyon etishga tayyor. O‘simlik manbalaridan olingan vitaminlarning katta qismi odatda organizmda qandaydir konversiyani talab qiladi. Shuning uchun ham hayvon, ham o‘simlik manbalaridan olingan vitaminlarni iste’mol qilish eng oqilona yondashuv bo‘ladi.
Immunitetni o‘simlik tarkibiy qismlari bilan mustahkamlash
Ba’zi o‘simliklarning adaptogenik xususiyatlari ichki resurslarni faollashtirishga va immunitet tizimini rag‘batlantirishga qodir. Bu virus va bakteriyalarga qarshi himoyani kuchaytirishga yordam beradi. Eng ko‘p o‘rganilgan biologik faol komponentlar har qanday dorixonada mavjud va ularning ro‘yxati juda keng.
Propolis asalarichilik mahsulotidir. Biologik faol moddalarning 16 ga yaqin sinfini o‘z ichiga olgan boy va murakkab tarkibi tufayli u immunomodulyator, antibakterial, yallig‘lanishga qarshi xususiyatlarga ega.
Qora zira yog‘i tarkibida kuchli antioksidant bo‘lgan timokinon mavjud. Yallig‘lanishga qarshi ta’sirga ega, ish faoliyatini yaxshilaydi, immunitetini oshiradi.
Zarchava tarkibida antibakterial va antivirus xususiyatlarga ega bo‘lgan biologik faol birikmalarning murakkab kompleksi mavjud.
Sarimsoq tarkibida fitontsidlar mavjud bo‘lib, ular bakteriya, virus, zamburug‘lar rivojlanishiga to‘sqinlik qiladi va organizmga kasalliklarga qarshi kurashishga yordam beradi.
Mavzuga doir:
Izoh (0)