Professional boksning super o‘rta vazn toifasida harakat qilayotgan Bektemir Meliqo‘ziyev (11-1, 9 KO) o‘zining navbatdagi jangini O‘zbekiston vaqti bilan 29-yanvar tongida o‘tkazdi.
AQSHning Inglvud shahrida (Kaliforniya shtati) o‘tkazilgan boks oqshomida o‘zbekistonlik sportchiga amerikalik Ulises Sierra (17-3-2, 10 KO) raqib bo‘ldi.
Jang O‘zbekiston vakilining ustunligida boshlandi. Uchinchi raundning so‘ngida Bektemir raqibining tana qismiga kuchli zarba yo‘llab, Sierrani nokautga uchratdi.
Ushbu g‘alaba evaziga Meliqo‘ziyev WBA Amerika mintaqaviy kamariga ega chiqdi.