29 yildan so‘ng: “Forrest Gamp” filmi aktyorlari yillar o‘tib qanchalik o‘zgargan? 

Robert Zemekis rejissorligidagi komedik drama 1994-yilda katta ekranlarga chiqdi. Film Uinston Grumning 1986-yildagi xuddi shu nomli romani asosida suratga olingan. 20-asrning ikkinchi yarmidagi hayoti qush patiday Amerika tarixidagi eng muhim voqealarni kezib o‘tuvchi aqli zaif Forrestning hikoyasi tomoshabinlarga ham, tanqidchilarga ham yoqdi. Film dunyo bo'ylab 29 ta mukofotga sazovor bo'lgan, jumladan 6 ta “Oskar” va 61 ta nominatsiya.

Bu yil film chiqqaniga 29 yil to‘ladi, kartinada Tom Xenksning qizi ham rol o‘ynaganini bilib hayron qolishingiz mumkin. 

Tom Xenks — Forrest Gamp

Robert Zemekis bilan ishlashdan oldin Tom Xenks allaqachon taniqli aktyor edi: uning filmografiyasida “Katta” (1988), “Terner va Huch” (1989), “Filadelfiya” (1993) kabi filmlardagi rollari bor edi. So‘nggi film aktyorga “Oskar” olib keldi. Ammo Xenksni dunyoga mashhur super yulduzga aylantirgan Forrest Gamp edi. Aktyor sifatida uning karyerasi yuksala boshladi va keyingi yillarda Xenks o‘nlab filmlarda rol o‘ynadi, ularning aksariyati kultga aylandi. Jumladan, “Yashil mil” (1999), “Terminal” (2004) yoki “Da Vinchi kodi” (2006) ni eslash kifoya.

2022-yil 9-iyulda aktyor 66 yoshga to‘ldi.

Maykl Konner Xampfri — Forrest Gampning bolaligi rolida

Maykl Konner Xampfri kichkina Forrestni o‘ynaydi. Film chiqqandan so‘ng bolakay filmlarda rol o‘ynamay qo‘ydi. U faqat maktab spektakllarida ishtirok etib yurdi. Xampfri bir muddat Vankuverdagi yuk tashish kompaniyasida qo‘riqchi bo‘lgan. 2020-yildan esa u onlayn o‘qituvchi bo‘lib ishlaydi.

2022-yil 1-martda aktyor 37 yoshga to‘ldi.

Salli Fild — Gamp xonim

Salli Fild 1965-yildan beri filmlarda rol o‘ynaydi. Mazkur rollari aktrisaga 3 ta “Emmi” va 2 ta “Oskar” olib keldi. Shunday qilib, Salli o‘zining orzu qilgan birinchi haykalchasini “Norma Rey” (1979) dramasidagi bosh qahramon roli uchun, ikkinchisini esa "Yurakdagi joy" (1984) filmidagi roli uchun oldi. Shu bilan birga, aksariyat tomoshabinlar aktrisani “Dautfayr xonim” (1993), “Forrest Gamp” (1994) va Mey xola rolini o‘ynagan “Yangi o‘rgimchak odam” (2012) kabi filmlar orqali eslashadi.

2022-yil 6-noyabr kuni aktrisa 76 yoshini nishonladi.

Xanna R. Xoll — Jenni Karranning bolaligi rolida

Yosh Xanna R. Xoll uchun “Forrest Gamp”dagi rol debyuti edi. Keyinchalik ham u filmlarda rol o‘ynashni davom ettirdi, asosan mustaqil filmlarda yoki qisqa metrajli filmlarda o‘ynadi. 2012-yilda Xoll Los-Anjelesda teatr direktori sifatida ishlay boshladi.

2022-yil 9-iyulda aktrisa 38 yoshini nishonladi.

Robin Rayt — Jenni Karran

Robin Rayt Forrestning bolaligida sevgan va butun umri davomida sevishda davom etgan sevgilisi rolini ijro etgan. Ushbu drama chiqishidan oldin Rayt allaqachon filmlarda va televizorda kuchli va asosiy rollarda o‘ynagan. U Kelli Kapvell rolini o‘ynagan "Santa-Barbara" serialini suratga olishda, shuningdek, bir nechta filmlarda ishtirok etishga muvaffaq bo‘ldi.

Forrest Gampdan keyin aktrisa o‘ndan ortiq mashhur filmda rol o‘ynadi. Ular orasida “Daxlsiz” (2000), “Beovulf” (2007), “Ajdaho tatuirovkali qiz” (2011) va boshqalar bor. Eng so‘nggi rollardan biri bu "Mo‘'jizakor ayol" (2017) filmidagi Antiopa generali obrazi.

2022-yil 8-aprelda aktrisa 56 yoshga to‘ldi.

Gari Siniz — leytenant Den Teylor rolida

“Forrest Gamp” Gari Sinizni dunyoga mashhur aktyorga aylantirdi. Bundan avval ham Siniz bir nechta film va televideniyeda rol ijro etgan. Aktyor arsenalida bir necha o‘nlab film va teleko‘rsatuvlarda ishtirok etish, u “Emmi”, “Oltin globus”, “Toni” va boshqa mukofotlar bor. Bundan tashqari, leytenant Dan rolining ijrochisi keng ko‘lamli insonparvarlik faoliyati va xayriya tashkilotlaridagi ishtiroki uchun ko‘plab mukofotlarga sazovor bo‘lgan.

2022-yil 17-martda aktyor 67 yoshga to‘ldi.

Maykelti Uilyamson — Benjamin Baford Blu “Babba”

“Forrest Gamp” filmini suratga olishdan oldin Uilyamson ko‘plab mashhur filmlarda suratga tushishga muvaffaq bo‘lgan. Ammo Babba roli unga katta shuhrat keltirdi. Aktyor "Olishuv" (1995), "Qamoq" (1997), “Belgilangan joy 4” (2009) va boshqalar. “Forrest Gamp” filmini suratga olish paytida Uilyamson pastki labi juda shishgan bo‘lishi uchun maxsus qoplama taqqan.

2022-yil 4-mart kuni aktyor 65 yoshga to‘ldi.

Xeyli Joel Osment — kichik Forrest Gamp

Forrest Gamp yosh Xeyli Joel Osmentning karyerasidagi birinchi filmi edi. Kasting rejissori uni Pizza Hut reklama roligida ko‘rib qolganidan so‘ng rolga tasdiqlaydi. "Forrest Gamp" filmidan keyin Osmentni kinoga taklif qilish boshlandi. Aktyor bolaligida rol o‘ynagan eng mashhur kartina "Oltinchi his" (1999) trilleri edi. Xeyli Joel arvohlarni ko‘rgan bola roli uchun “Oskar”ga nomzod bo‘ladi. sment hali ham filmlarda rol o‘ynaydi.

2022-yil 10-aprelda aktyor 34 yoshga to‘ldi.

Elizabet Enn Xenks — maktab avtobusidagi qiz

Elizabet Enn Xenks — Tom Xenksning birinchi xotini Samanta Lyuisdan bo'lgan qizi — avtobusda Forrestni yonida o‘tirishiga ruxsat bermagan maktab o‘quvchilaridan birini o‘ynagan. “Forrest Gamp”dan keyin u deyarli filmlarda rol o'ynamagan: Elizabet hozirda kitoblar yozadi.

2022-yil 17-may kuni aktyorning qizi 40 yoshga to‘ldi.