Toshkent shahri Yakkasaroy tumanida 28-yanvar kuni avtobusda yong‘in yuzaga keldi. Bu haqda shahar Favqulodda vaziyatlar boshqarmasi xabar qildi.
Qayd etilishicha, shu kuni soat 10:50 da Yakkasaroy tumani “Qushbegi” MFY Sho‘ta Rustaveli ko‘chasida harakatlanib ketayotgan Mercedes-Benz yo‘lovchi tashishga mo‘ljallangan avtobusda yong‘in sodir bo‘lgani to‘g‘risida shahar FVBga xabar tushgan.
Haydovchining birlamchi ma’lumotiga ko‘ra, avtobusning motor qismida nosozliklar yuzaga kelgani uchun yo‘lovchilarni tushirib, avtosaroyga qaytayotgan vaqtda dvigatelda yong‘in kelib chiqqan.
Shunga ko‘ra, 1 ta yong‘in-qutqaruv ekipaji soat 10:54 da voqea joyiga yetib borib, yong‘in soat 10:58 da bartaraf etilgan.
Hodisa oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.
Izoh (0)