Sirdaryoda 5 gektar yerni 40 ming dollarga sotmoqchi bo‘lgan opa-uka qo‘lga tushdi

Sirdaryo viloyati Sayxunobod tumanida 5 gektar yerni tanishlari orqali sotmoqchi bo‘lgan shaxslar ushlandi. Bu haqda O‘zA xabar qildi.

Qayd etilishicha, Sirdaryo tumani qishloq xo‘jaligi bo‘limi xodimi 1989-yilda tug‘ilgan ukasi bilan o‘zaro til biriktirib, Sayxunobod tumani hududidagi 5 gektar yer maydonini tegishli tashkilotlardagi tanishlari orqali xaridor nomiga rasmiylashtirib berish evaziga 40 ming dollar talab qilgan.

DXXning Sirdaryo viloyati bo‘yicha boshqarmasi xodimlari tomonidan Iqtisodiy jinoyatlarga qarshi kurashish departamentining hududiy boshqarmasi bilan hamkorlikda Guliston shahrida o‘tkazilgan tezkor tadbirda ular oldindan 20 ming dollarni olgan vaqtida ushlangan.

Holat yuzasidan mazkur shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atilgan.