Rasman: Aleks Pereyra va Israel Adesanya o‘rtasida revansh jangi bo‘lib o‘tadi

UFC prezidenti Dana Uayt Aleks Pereyra va Israel Adesanya o‘rtasida revansh jangi bo‘lib o‘tishini ma’lum qildi.

O‘rta vazn toifasidagi titul uchun bo‘lib o‘tadigan jang Bruklinda (Nyu-York) 9-aprel kuni UFC 287 doirasida o‘tkaziladi. 

Eslatib o‘tamiz, Pereyra UFC 281 musobaqasida Adesanya ustidan g‘alaba qozonib, chempionga aylangandi. Aleks hisobida 7 ta g‘alaba va bitta mag‘lubiyat mavjud. Adesanya esa 23-2 rekord bilan jangga kirishadi.