10-sinf uchun O‘zbek tili darsligida musiqa asboblari nomi xato yozilgani haqida xabarlar tarqaldi. Respublika ta’lim markazi darslik yuzasidan tarqalayotgan e’tirozlarga munosabat bildirdi.
Qayd etilishicha, musiqa anjomlarining nomlari rasmlariga muvofiq emasligi tasvirga olib tarqatilgan darslik markaz tomonidan 2022/2023-o‘quv yili uchun tayyorlangan va davlat tili ikkinchi til sifatida o‘qitiladigan sinflarga mo‘ljallangan 10-sinf O‘zbek tili darsligi hisoblanadi.
Darslikning 99-betidagi “O‘ylang va toping” degan topshiriq ostida keltirilgan 5-mashq shartiga ko‘ra, musiqa asboblarining nomlari atayin chalkashtirib berilgan va o‘quvchidan tasvirga qarab musiqiy asboblarining nomini to‘g‘ri topishni talab etadi.
Ya’ni mashq aralash berilgan nomlarni tasvir asosida to‘g‘ri nomlashni nazarda tutadi. Mashq haqida o‘qituvchilar uchun metodik qo‘llanmada ham alohida tushuntirish berilgan. Rasmda darslikning e’tirozga sabab bo‘lgan sahifasi va metodik qo‘llanmada mashq yuzasidan berilgan ko‘rsatma keltirilgan.
Izoh (0)