O‘zbekiston hududi bo‘yicha sovuq antisiklon periferiyasining ta’siri juma va dam olish kunlari asta-sekin kuchsizlanishi davom etadi, deb xabar bermoqda “O‘zgidromet”.
Respublikaning barcha hududlari bo‘yicha asosan kam bulutli, yog‘ingarchiliksiz ob-havo bo‘lishi kutilmoqda. Joylarda tuman tushishi kuzatiladi.
Respublika hududi bo‘yicha havo haroratining ko‘tarilishi notekis bo‘ladi. Bugun kunduzi respublikaning katta qismida harorat 0-5 daraja iliq atrofida, Surxondaryo viloyatida 7-10 daraja iliq bo‘ladi. Ammo Jizzax, Sirdaryo viloyatlarining ayrim joylarida 2-4 daraja sovuq atrofida bo‘lishi saqlanib turadi.
Dam olish kunlari respublika bo‘yicha havo massasining asta-sekin ko‘tarilishi davom etadi. Harorat kechalari 3-8 daraja sovuq, Jizzax, Sirdaryo viloyatlarining ayrim joylarida 10-12 daraja sovuq atrofida bo‘ladi. Kunduz kunlari harorat 2-7 daraja iliq, Surxondaryo viloyatida 10 darajagacha iliq bo‘ladi.
Toshkentda dam olish kunlari yog‘ingarchilik kutilmaydi. Havo harorati yakshanba kuni 5-7 darajagacha ko‘tariladi. Kechalari 3-5 daraja sovuq bo‘ladi.
Izoh (0)