Isroil prezidenti Yevropani Eronga qarshi birgalikda kurashishga chaqirdi
Isroil prezidenti Isxak Gersog Yevroparlamentdagi nutqida Yevropa davlatlarini Eronga qarshi kurashda Isroil bilan hamkorlik qilishga chaqirdi. Bu haqda Associated Press xabar berdi.
“Bizni yo‘q qilish bilan tahdid qilayotgan zulmat va nafrat kuchlariga qarshi qat’iy va birlashgan yagona jamoa bo‘lib birga harakat qilishimiz kerak”, — dedi u va Eronga keskin norozilik bildirdi.
“Men birinchi navbatda Isroilni butunlay yo‘q qilishga ochiqdan-ochiq chaqiribgina qolmay, balki butun Yaqin Sharqda fuqarolar urushini qo‘zg‘atuvchi, erkinlik, inson va fuqarolik huquqlarini talab qilayotgan vatandoshlarini o‘ldiradigan Eron rejimi haqida gapiryapman. U Ukrainadagi urushda rol o‘ynamoqda va ommaviy qirg'in qurollarini ishlab chiqmoqda”, — deydi Isroil rahbari.
Yevropa Ittifoqi shu hafta boshida oʻnlab Eron rasmiylari va tashkilotlariga qarshi sanksiyalar joriy qildi. Eron islom inqilobi qo‘riqchilari korpusi (IIQK) ham qora ro‘yxatdan joy oldi. Eron IIQK terrorchi tashkilot deb e’lon qilingan taqdirda, Yevropa armiyasi ham terrorchi tashkilot deb tan olinishidan ogohlantirdi.
Mavzuga doir:
- Isroil Eronga zarba berish uchun AQSHdan qiruvchi samolyotlar sotib olmoqda — OAV
- Isroil Erondan himoyalanish uchun kosmik kuchlar yaratadi
- Isroil Eron yadroviy dasturiga zarba berishga tayyor
- Eronlik xakerlar Isroildagi har qanday kuzatuv kameralarini boshqara oladi — OAV
- Eron Isroilga qarshi urushda nishonga oladigan obyektlar ro‘yxati e’lon qilindi
