AQSH harbiylarining Somalidagi operatsiyasi natijasida ISHID terrorchilik tashkiloti yetakchilaridan biri Bilol al-Sudaniy yo‘q qilindi. Bu haqda The Guardian xabar berdi.
Ma’lum qilinishicha, Sudaniy otishma oqibatida halok bo‘lgan, u tog‘dagi g‘orda yashiringanda amerikalik harbiylar tomonidan aniqlangan. Voqea joyida ISHIDning 10 ga yaqin a’zosi halok bo'lgan, AQSH harbiylari tomonida qurbonlar yo‘q.
“25-yanvar kuni prezident Jo Bayden buyrug‘iga binoan AQSH harbiylari Somalining shimolida hujum operatsiyasini o‘tkazdi, natijada IShIDning bir qancha a’zolari, jumladan Bilol al-Sudaniy ham halok bo‘ldi”, — dedi AQSH mudofaa vaziri Lloyd Ostin.
“Al-Sudaniy IShIDning Afrikada kuchayib borayotgan mavjudligini qoʻllab-quvvatlash va guruhning butun dunyo boʻylab, jumladan Afgʻonistondagi operatsiyalarini moliyalashtirish uchun mas’ul edi”, — dedi Ostin.
U Somalining shimolidagi tog‘ bazasidan IShIDning nafaqat Afrikadagi, balki Afg‘onistonda faoliyat yurituvchi “Islomiy Davlat Xuroson” guruhini ham moliyalashtirgan va ularni muvofiqlashtirgan, — dedi ismini oshkor qilmagan manba.
Bundan 10 yil avval, IShID safiga qo‘shilishidan oldin Sudaniy Somalidagi ekstremistik “Ash-Shabob” harakati uchun jangchilar yollash va tayyorlash bilan shug‘ullangan. Operatsiyaga bir necha oy davomida tayyorgarlik ko'rilgan, AQSH qo‘shinlari Sudaniy yashiringan yerga hujum qilish uchun mashqlar olib borgan.
ISHID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Mavzuga doir:
Izoh (0)