Turkiya sharqidagi Kars provinsiyasida mamlakat tarixidagi eng yirik 2023-yilgi qishki mashg‘ulotlar o‘tkazilmoqda. Bu haqda Anadolu xabar berdi.
Sariqamish tumanida o‘tkazilayotgan mashg‘ulotlarda Germaniya, Ozarbayjon, Buyuk Britaniya kabi dunyoning 17 davlatidan harbiylar ishtirok etmoqda. Harbiylar qo‘shma operatsiyalarni amalga oshirishda harakatlarni muvofiqlashtirish choralarini ishlab chiqmoqda. Ular anomal sovuqda harbiy qismlarning jangovar qobiliyatini, shuningdek, jangovar texnikani tekshirmoqda.
Mashg‘ulotlarda tank va artilleriya bo‘linmalari, minomyot va snayper ekipajlari, maxsus bo‘linmalar va aviatsiya ishtirok etmoqda. Manyovrlarni Turkiya milliy mudofaa vaziri Hulusiy Akar hamda Turkiya Qurolli kuchlari oliy qo‘mondonligi kuzatib boradi.
.jpg)
Ma’lumot uchun, 24-yanvardan 4-fevralgacha Moldovadagi Milliy armiyaning barcha poligonlarida 400 dan ortiq askar ishtirok etadigan taktik mashg‘ulotlar o‘tkaziladi. AQSH va Isroil ham tarixdagi eng yirik va muhim qo‘shma harbiy mashg‘ulotlarni boshlagan.
Izoh (0)