Yoʻtal nafas olish tizimi kasalliklarida juda keng tarqalgan noxush belgidir. Oʻz-oʻzidan yoʻtal sababini aniqlash mushkul. Shu bois dastavval shifokor bilan maslahatlashish yaxshiroqdir. Ammo baʼzan buning iloji boʻlmagan holatlarga toʻgʻri keladi. Bu holda, siz kattalardagi yoʻtalni qanday tinchlantirish va uning holatini yengillashtirishni bilishingiz kerak.
Uy sharoitida yoʻtalni qanday kamaytirish mumkin?
Yoʻtalish shilliq ajralma, balgʻam va patogenlardan xalos boʻlishga yordam beradigan himoya mexanizmidir. Baʼzan u juda ogʻriqli kechadi. Quruq yoʻtal esa nihoyatda noqulaylik keltirib chiqaradi, shuning uchun ogʻiz va burunni tez-tez namlab turish tavsiya etiladi. Bemor quruq yoʻtaldan aziyat chekmasligi uchun quyidagi xalqona usullardan foydalanishingiz mumkin:
- Koʻkrak qafasini uqalash;
- Bugʻ ingalyatsiyasi;
- Dorivor oʻsimliklardan tayyorlangan damlama va suyuqliklarni koʻp isteʼmol qilish.
Ingalyatsiya ehtiyotkorlik bilan amalga oshirilishi kerak. Qaynatilgan kartoshka, propolis, efir moyi yoki evkalipt barglaridan foydalanish kutilgan samarani beradi. Suyuqlik yoki massa shilliq qavatlarni kuydirib qoʻymasligi uchun haddan tashqari qaynoq boʻlmasligi lozim. Nebulayzerdan foydalanish xususida yaxshi xulosalar mavjud. Ingalyatsiyalarni oddiy yoki tuzli suv bilan amalga oshirishning imkoni bor.
Yoʻtal turlari
Yoʻtalning ikki xil turi mavjud: quruq va nam. Quruq yoʻtalda bemor koʻproq aziyat chekadi. U koʻkrak qafasida ogʻriq, terlash va tomoq ogʻrigʻi bilan birga namoyon boʻladi. Bundan tashqari, bunday yoʻtal koʻpincha uzoq davolanishni talab etadi. Nam yoʻtal, aksincha, bronxlardan balgʻam ajralishi tufayli tezroq tuzaladi.
Shuningdek, yoʻtalning davomiyligi davriy va doimiydir. Davriy yoʻtal shamollash, bronxit, oʻtkir respirator infeksiyalar va boshqa shu yuqumli kasalliklar uchun xosdir. Doimiy yoʻtal esa jiddiy kasallikning alomatidir.
Kechasi quruq yoʻtalni qaysi yoʻllar bilan kamaytirsa boʻladi?
Oddiy usullar yordamida siz kechasi quruq yoʻtal xurujini toʻxtatishingiz mumkin. Quyida eng samarali retseptlar bayon etilgan:
Kungaboqar yogʻidan suyuqlik. Tarkibi: 150 ml qaynoq suv, 2 osh qoshiq kungaboqar yogʻi, ozgina tuz. Siz tuzsiz qilishingiz ham mumkin, lekin koʻpchilik bu suyuqlikning taʼmini xushlamaydi, aslida u odatiy bulyonga oʻxshaydi. Hammasini aralashtiring va hoʻplab-hoʻplab iching.
Gogol-mogol shirinligi. Tarkibi: bitta tuxum sarigʻi, 1 osh qoshiq suyultirilgan asal, 1 osh qoshiq eritilgan sariyogʻ va bir stakan sut. Birinchi boʻlib tuxum sarigʻini yaxshilab aralashtirib uning ustiga sutga qoʻshing va aralashtirishda davom eting. Keyin sariyogʻ va asalni qoʻshing. Qaynoq holda iching.
Zanjabil bilan asal. Zanjabil ildizining bir boʻlagini maydalang. Bir stakan qaynagan suvga bir zanjabil va biro oz asal aralashtirib iching.
“Yoʻtal tutishini kamaytirish uchun boshingiz orqasiga bir nechta yostiq qoʻyib yoting hamda xonaga toza va nam havo almashib turishini taʼminlang”
Yoʻtal tomoq ogʻrigʻi bilan birga paydo boʻlganda nima qilish kerak?
Bu paytda burunni tuzli suv bilan chayib turish tavsiya etiladi. Tuzli suv burun bitishi oldini oladi va tomoqdagi virus yoʻqolishiga yordam beradi. Suyuqlik ichish rejimi ham muhim: koʻp va tez-tez toza suv ichib turishingiz kerak. Suyuqlik iliq boʻlsin. Dorivor oʻsimliklardan tayyorlangan damlamalar, asal qoʻshilgan sut ichish foydalidir. Xonadagi havo quruq boʻlsa, bu koʻpincha tomoqda qichishish va yoʻtalni keltirib chiqaradi. Namlagich qurilmasini boʻlmasa, isitish radiatorlariga hoʻl sochiqlarni osib qoʻyish kerak.
Shuni yodda tutish kerakki, yoʻtal kasallik emas, balki turli kasalliklarning alomatidir. Shu bois yoʻtalni va bemorning ahvolini bir vaqtning oʻzida yengillashtirib, yoʻtalning asl sababini bartaraf etish zarur.