Fotogalereya: O‘zbekiston va Qirg‘iziston o‘rtasidagi tarixiy aloqalar
O‘zbekiston va Qirg‘iziston o‘rtasidagi do‘stona aloqalar tarixi ancha uzoqqa borib taqaladi.
Tarixga nazar tashlasak, bir daryodan suv ichgan, bozori, to‘yi bir xalqlarimiz ming yillardan beri yelkadosh yashab kelganiga guvoh bo‘lamiz.
So‘nggi yillarda qo‘shni davlatlar bilan olib borilayotgan ochiqlik siyosati natijasida O‘zbekiston—Qirg‘iziston chegaralari to‘liq ochilib, ikki xalq bir-biri bilan emin-erkin bordi-keldini davom ettirmoqda.
“Daryo” e’tiboringizga O‘zbekiston Kinofotofono hujjatlari milliy arxivida saqlanayotgan O‘zbekiston va Qirg‘iziston o‘rtasidagi o‘zaro do‘stona aloqalar aks etgan rasmlarni havola etadi.
Qirg‘iziston adabiyoti va san’ati kunlari ishtirokchilarini Nukus aeroportida kutib olish. 1969-yil, Toshkent.
Alisher Navoiy davlat akademik balet teatrida Qirg‘iziston adabiyoti va san’ati kunlari tantanali ochilishida qirg‘izistonlik san’atkorlar chiqishlari, 1969-yil, Toshkent.
Toshkentdagi Teatr maydonida qirg‘iz adabiyoti va san’ati kunlariga bag‘ishlangan kitob bozorining tantanali ochilish marosimi. 1969-yil, Toshkent.
Qirg‘iziston adabiyoti va san’ati kunlari tadbiri ishtirokchilari Alisher Navoiy muzeyida. 1969-yil, Toshkent.
Y.S.Nasridinova — Oliy Kengash prezidium raisi. U Oʻzbekistonda qirgʻiz adabiyoti va sanʼati kunlari ishtirokchilari oldida maʼruza qilmoqda 1969-yil, Toshkent.
O‘zbekistonliklar non va tuz bilan qirg‘iz mehmonlarni kutib olmoqda. 1969-yil, Andijon.
Atoqli qirg‘iz yozuvchisi Chingiz Aytmatov o‘zbekistonlik o‘quvchilariga dastxat tarqatmoqda. 1969-yil, Toshkent.
Atoqli qirg‘iz yozuvchisi Chingiz Aytmatov o‘zbekistonlik o‘quvchilariga dastxat tarqatmoqda. 1969-yil, Toshkent.
Qirgʻizistonlik mehmonlar xalq xoʻjaligi koʻrgazmasida. 1969-yil, Toshkent.
