Dekabr oyida Twitter’ning reklama xarajatlari 71 foizga kamaydi — Reuters

Ilon Maskning Twitter ijtimoiy tarmog‘idagi reklama xarajatlari o‘tgan yilning dekabr oyida 2021-yilning shu oyiga nisbatan 71 foizga kamaydi. Bu haqda Standard Media Index tadqiqot kompaniyasi ma’lumotlariga tayanib, Reuters xabar berdi.

Noyabr—dekabr oylarida kompaniya an’anaviy ravishda bayramlar oldidan o‘z mahsulotlarini reklama qilish orqali xarajatlarini ko‘paytirishga qaramay, Twitter noyabr oyida o‘tgan yilning shu oyiga nisbatan reklamadan tushgan daromadning 55 foizini yo‘qotdi va dekabrda bu yo‘qotish 71 foizga yetdi.

Ma’lumotlarga ko‘ra, bu platforma hozirda reklama beruvchilarga bepul reklama joylashtirish va ular ustidan ko‘proq nazoratni taklif qilish orqali ularni qaytarib olishga harakat qilmoqda.

Ilon Mask Twitter’ni sotib olish bo‘yicha kelishuvni 27-oktabr kuni yakunlab, kompaniya uchun 44 milliard dollar to‘lagan.

Shundan so‘ng tadbirkor ijtimoiy tarmoq xodimlarining yarmiga yaqinini ishdan bo‘shatdi, qolganlarni esa yuqori intensivlik bilan ishlash kerakligi haqida ogohlantirdi.

OAV xabarlariga ko‘ra, ushbu voqealar fonida platforma faoliyatini saqlab qolish uchun muhim bo‘lgan ko‘plab xodimlar Twitter’ni tark etgan.

Avvalroq Twitter’ning kunlik daromadi o‘tgan yilga nisbatan 40 foizga kamaygani haqida xabar berilgandi.