Ispaniya va Britaniyada mashhur bo‘lgan aktrisa, Charli Chaplinning nevarasi Una Chaplin “Avatar” filmining uchinchi qismida suratga tushadi. Bu haqda “Avatar: Suv yo‘li” filmi prodyuseri Jon Landau ma’lum qildi, deb yozmoqda ScreenRant.
.jpg)
Una Chaplin kinokartinada Na’vi olov qabilasining rahbari Varang ismli qahramon rolini o‘ynaydi. Landauning so‘zlariga ko‘ra, u aborigen qabilasining boshqa vakillariga qaraganda ko‘proq salbiy qahramon bo‘ladi.
“Yaxshi va yomon odamlar bor. Na’vi qabilasida ham xuddi shunday. Biroq insonlar o‘zlarini yomon deb o‘ylamaydi. Ularning biz yomon deb bilgan insonga aylanishining asl sababi nimada?”, — deydi prodyuser.
Rejissor Jeyms Kemeron “Avatar” ilmiy-fantastik blokbasterining yangi qismida Na’vi va insonlar bilan bog‘liq sahnalarni birga suratga olish juda qiyin bo‘lganini ma’lum qilgan. Kemeron bu holatda ko‘p vaqtini Na’vi qabilasi bilan o‘tkazadigan O‘rgimchak (Jek chempion) ismli qahramon ishtirokidagi sahnalarni nazarda tutgan.
Izoh (0)