“Arsenal” 1-o‘rinni saqlab qoladi, “Liverpul”, “Tottenhem” va “Chelsi” top-4 likda yo‘q. Superkompyuter hisob-kitoblariga ko‘ra APL yakunlari

Angliya Premyer Ligasida 21-tur bahslari ortda qoldi. O‘tgan turda “Manchester Yunayted” “Arsenal”ga yutqazdi, “Liverpul” va “Chelsi” jamoalari o‘zaro nursiz durangga imzo chekdi.

FiveThirtyEight portali o‘z algoritmlari yordamida 2022/23-yilgi mavsum prognozlarini yangiladi. Unga ko‘ra, “Arsenal” mavsum yakuniga qadar peshqadamlikni saqlab qoladi. Kuchli to‘rtlikdan, shuningdek, “Manchester Siti”, “Manchester Yunayted” va “Nyukasl” jamoalari joy oladi.

“Liverpul” va “Tottenhem” YCHLga yo‘llanma beradigan o‘rinlardan quruq qoladi. “Chelsi” esa 8-o‘rinda qayd etilgan.

FiveThirtyEight superkompyuteri mavsum boshida “Manchester Siti”ni chempionlik uchun favorit hisoblagan, “Arsenal” esa 5-o‘rinda bo‘lishini bashorat qilgandi.