Bred Pittning garaji: Gollivud yulduzi qanday mashinalarda yuradi? (foto)
Shu yilning 18-yanvar kuni Bred Pitt 59 yoshga to‘ldi. Pitt Gollivudning eng mashhur aktyorlaridan biri hisoblanadi. Uning karyerasi 90-yillarda boshlangan va shundan beri aktyor muvaffaqiyat qozonib kelmoqda. Qizig‘i shundaki. aktyor umumiy boyligining – 300 million dollarning bir qismini 4 million dollardan ortig‘ini hayratlanarli avtomobillar kolleksiyasiga sarflagan.Uning garajida yo‘ltanlamaslar, sedanlar, kabrioletlar, sportkarlar, elektromobillar joy egallagan.
Tesla Model S
“Oskar” mukofotiga sazovor bo‘lgan aktyorning garajida bir emas, ikkita qora va kumush rangli Tesla Model S bor. Amerika Qo‘shma Shtatlarida Model S’ning 2022-yilda narxi taxminan 100 000 dollardan boshlanadi.Yaqinda u o‘zining qora Tesla’sida Anjelina Joli bilan birga suratga tushgan, so‘ngra kumushrang Model S’ida avariyaga uchragan.
Chevrolet Tahoe
Yaqinda Bred Pittni 2014-yilda ishlab chiqarilgan Chevrolet Tahoe yo‘ltanlamasida ko‘rishgan. Qizig‘i shundaki, uni McDonald’s yonida suratga olishgan, oddiy hayotda aktyor boyligiga qaramay, hashamatli hayotini ko‘z-ko‘z qilmaydi. Ammo tarmoq foydalanuvchilari bu kamtarlikdan emas, balki muxlislar e’tiborini jalb qilishni istamaslik deyishadi. Tahoe quvvati 5,3 litrli V8 dvigateli bilan jihozlangan.
Lexus LS 460 F Sport
Bred Pitt kumush rangli Lexus LS 460 F Sport avtomobiliga ega bo‘lib, kundalik hayotda undan tez-tez foydalanadi. Aktyorni bu mashinada farzandi va sobiq rafiqasi Anjelina Joli bilan bir necha bor ko‘rishgan. Mashina qonuniy ravishda unga tegishli yoki yo‘qligini aytish qiyin, chunki ajrashgandan keyin Anjelina Lexus’ga ega bo‘lgan deyishadi. Lexus LS Series sedani hashamatli tashqi ko‘rinish va samaradorlikni mukammal birlashtirib, atigi 5,6 soniyada 100 km/soat tezlikka erishadi.
BMW Hydrogen 7
Mazkur avtomobil qimmat bo‘lmasa-da, lekin aktyorning garajidagi eng noyob nusxa hisoblanadi. BMW Hydrogen 7 2007 atigi 100 dona ishlab chiqarilgan. Mashina shu qadar eksklyuzivki, faqatgina bir nechta mashhur kishilar va BMW top-menejerlari unga egalik qiladi. Pittning Hydrogen 7 mashinasi kumush rangga bo‘yalgan, uni oxirgi marta “Oushenning13 do‘sti” filmi premyerasida ko‘rishgan. Ushbu model qanchalik noyob ekanligini hisobga olsak, uning qimmatligi ajablanarli emas — AQShda 118 000 dollar atrofida. Bred Pittga tegishli BMW Hydrogen 7 256 ot kuchiga ega 6,0 litrli V12 dvigateli bilan jihozlangan va u ham vodorod, ham oddiy yoqilg‘ida ishlay oladi.
Aston Martin Vanquish Carbon Edition
Aktyor kolleksiyasida qora rangli Aston Martin Vanquish Carbon Edition 2015-yil modeli ham bor. Mashinani unga sobiq rafiqasi Anjelina Joli sovg‘a qilgan, ajrashgandan keyin esa mashina Bredda qolgan. Vanquish Carbon Edition’ning umumiy og‘irligini kamaytirish uchun ko‘plab qismlar uglerod tolasidan qilingan. Anjelina turmush o‘rtog‘i uchun tanlagan kupe versiyasining AQSHdagi narxi 300 000 dollarni tashkil etdi. Mashina 567 ot kuchiga ega 6,0 litrli V12 dvigateli bilan jihozlangan.
Bentley Continental GT
Bentley Continental GT — Bred Pitt garajidagi yana bir mashina bo‘lib, aktyor undan kamdan kam foydalanadi. AQSHda narxi 200 000 dollardan boshlanadigan hashamatli Bentley avtomobilida Pitt maxsus tadbirlarda va taqdirlash marosimlarida qatnashadi. Mashina 4,0 litrli ikki turbo quvvatli V8 dvigateli bilan jihozlangan va uning maksimal tezligi 318 km/soatni tashkil qiladi.
Lamborghini Aventador LP 700-4
Narxi 400 ming dollar bo‘lgan Lamborghini Aventador LP 700-4 Bred Pitt kolleksiyasidagi eng qimmat avtomobil hisoblanadi. Bu mashinada rassomni kamdan kam uchratish mumkin, ammo Aventador garaj durdonasi bo‘lib qolmoqda. Aktyor 700 ot kuchiga ega 6,5 litrli V12 dvigatel bilan jihozlangan to‘liq g‘ildirakli modelga ega. Lamborghini Aventador LP 700-4 2,9 soniyada 0-60 tezlikka erisha oladi va 350 km/soat tezlikka ega.
Mavzuga doir:
- Akvamenning garaji: aktyor Jeyson Momoa kolleksiyasidagi hashamatli mashinalar va noyob mototsikllar
- Mashhur amerikalik xonanda Selena Gomes qanday mashinalarni boshqaradi? (foto)
