AQSH harbiy sanoati Xitoyga qarshi uzoq davom etadigan keng ko'lamli ehtimoliy urushga tayyor emas. Bunga Rossiyaning Ukrainaga bostirib kirishi tajribasidan dalolat beradi, deb yozadi The Wall Street Journal.
Nashrda keltirilishicha, Ukrainadagi cho‘zilgan urush AQSHdagi mavjud qurol-yarog‘ zaxiralarining keskin qisqarishining “strategik xavfi” mavjudligini ko‘rsatdi. WSJ Vashingtonda joylashgan Strategik va xalqaro tadqiqotlar markazi katta vitse-prezidenti Set Jons tomonidan chop etilgan tadqiqotga tayanmoqda.
Tahlilchi nashrga bergan intervyusida hozirgi paytda AQSH harbiy sanoati tinchlik rejimida ishlayotganini aytdi. Yuqori martabali Amerika harbiy va mansabdor shaxslarining so‘zlariga ko'ra, Xitoy bilan urush yuz bergan taqdirda, AQSH armiyasining o‘q zaxirasi tezda tugaydi.
“Hind-Tinch okeanidagi Xitoy bilan yuzaga kelishi mumkin bo‘lgan mojaro Ukrainada kechayotgan asosan quruqlikdagi urushdan farq qiladi, ammo AQSH baribir yirik miqdorda qurol ishlatishi kerak bo‘ladi. Sanoat bazasi bilan bog‘liq muammo, harbiy shartnoma tuzishning eskirgan tartibi va sust byurokratiya tufayli AQSH uzoq davom etadigan mojaroda bardosh berishi qiyin”, — deydi u.
Bu muammoning yaqqol ko'rsatkichi sifatida Jons Ukrainaga Javelin tankka qarshi tizimlari yetkazib berilishini keltirmoqda. U 2022-yil avgust oyidan beri Ukraina Qurolli kuchlari Amerika sanoati 7 yil ichida ishlab chiqaradigan miqdordagi tankka qarshi tizimlarni olgan.
Ko‘chib yuruvchi zenit-raketa tizimlari so‘nggi 20 yil ichida AQSH eksport ta’minotiga teng bo'lgan miqdorda Ukrainaga yetkazib berildi. Ukrainaga bir milliondan ortiq 155 mm kalibrli snaryadlar berish orqali AQSHning o‘zida bu o‘q-dorilar qisqardi
“Gaubitsalar va artilleriyaga qarshi radarlar bilan bog‘liq vaziyat ham xuddi shunday”, — deydi tahlilchi.
U agar zarurat tug'ilsa, Amerikaga qurol ishlab chiqarishni kengaytirish uchun ikki yil kerak bo‘lishini prognoz qildi. Ayni paytda, hisob-kitoblar shuni ko‘rsatadiki, Xitoy bilan urush bo‘lsa, AQSHning bir haftadan kamroq vaqt ichida uzoq masofali boshqariladigan o‘q-dorilari tugaydi. Jons AQSH hukumatiga o'zining umumiy o'q-dorilarga bo‘lgan talablarini ko‘rib chiqishni va strategik zaxira yaratishni tavsiya qilmoqda.
Mavzuga doir: Uchinchi jahon urushi 2023-yilda boshlanishi mumkin bo‘lgan 5 ta joy
Izoh (0)