Irina Sheyk mashhur modellarning biri bo‘lishiga qaramay, so‘nggi kolleksiyalardan kiyim sotib olishni behuda ish deb hisoblaydi, deb yozadi “Woman.ru”.
36 yoshli Irina Sheyk kamdan kam holatlarda intervyu beradi, shaxsiy hayoti haqida ham kamroq gapiradi. U besh yildan beri onalik maqomiga ega. Model aktyor Bredli Kuperdan Lea ismli qizni dunyoga keltirgan. Garchi juftlik chaqaloq tug‘ilgandan keyin darhol ajrashgan bo‘lsa ham, ular bola tarbiyasi bilan birgalikda shug‘ullanib keladi.
Juftlik farzandiga enaga yollashdan voz kechishga qaror qilgan va bo‘sh vaqtlarini qizi bilan ko‘proq o‘tkazishga harakat qiladi. Ularning vaqti bo‘lmaganda, qizaloqning buvisi yordamga keladi.
Rossiyalik modelning so‘zlariga ko‘ra, u ilgari moda olamida bunday muvaffaqiyatli karyera qurish haqida orzu ham qila olmagan. Bugungi kunda esa Irina dunyodagi eng talabgir beshta modeldan biri va uning gonorari, ehtimol, yuz minglab dollarni tashkil etadi. Lekin bu isrofgarchilik uchun sabab bo‘la olmaydi. Ma’lum bo‘lishicha, supermodel juda tejamkor.
“Men ko‘p yillar davomida kiyish mumkin bo‘lgan sifatli buyumlarga sarmoya kiritish tarafdoriman. Ammo shunchaki hashamatli libos uchun pul sarflash — bu jinnilik. Onam oyiga 10 dollar ishlab topardi. Men ham boshqalar kabi pul va buyumning qadrini bilaman. Chindan ham tejamkorman, kelasi yil foydalanib bo‘lmaydigan tendensiyalarga pul sarflamayman”, — deydi u Ispaniyaning Vogue nashriga bergan intervyusida.
Model qiziga nisbatan ham ushbu tamoyilga amal qiladi, unga kerak bo‘lgan hamma narsani muhayyo qiladi, lekin hashamat va ortiqcha narsalarga pul sarflamaydi.
Ushbu yondashuv tufayli Irina faqat garderobidagi yuqori sifatli narsalarga tayanadi. Albatta, u o‘zining maftunkorligini ta’kidlash imkonini beruvchi kiyimlarni tanlaydi.
Shu bilan birga, Sheyk jozibadorlik tashqi ko'rinish, baland poshnali tufli yoki makiyaj masalasi emasligiga amin. Buni qiziga ham o‘rgatish niyatida.
Model qizalog‘i Lea bilan iliq va ishonchli munosabatlarga ega va u onalikni ega bo‘lish mumkin bo‘lgan eng yaxshi tajriba deb ataydi.
“Onalik ma’lum bir kiyim kiyish yoki uxlash uchun erta yotish kerak, degani emas. Siz hech kimdan hech narsa qarzdor emassiz”, — deya xulosa qiladi model.
Mavzuga doir:
Izoh (0)