“Real” yarim himoyachisi Luka Modrichning Saudiya Arabistoniga o‘tish tafsilotlari ma’lum bo‘ldi.
Avvalroq Krishtianu Ronalduni o‘z safiga qo‘shib olgan “An-Nassr” xorvatiyalik futbolchiga qiziqish bildirayotgani xabar qilingandi.
Okaz nashrining ma’lumotlariga ko‘ra, Ar-Riyod klubi Modrichni qishki transfer oynasida sotib olmoqchi va unga yiliga 40 million yevro maosh va 2,5 yillik shartnoma taklif qilmoqchi.
“Real” Lukani qishda sotishdan bosh tortsa, Saudiya Arabistoni jamoasi yozda Modrichni erkin agent sifatida qo‘lga kiritadi.
Luka Modrich joriy mavsum La Ligada 16 ta o‘yinda maydonga tushib, 3 ta gol va 2 ta golli uzatmaga mualliflik qildi.
Izoh (0)