Ukraina prezidenti Vladimir Zelenskiy ukrain qo‘shinlari Belarusga hujum qilishni rejalashtirmagani va rejalashtirmayotganini ma’lum qildi. Bu haqda “Interfaks-Ukraina” xabar berdi.
“Bu butun Ukraina xalqining belarus xalqiga asosiy signalidir. Belarus o‘z mustaqilligini yoʻqotmasligi va hech kimning ta’siriga qaramay, sharmandali urushga qo‘shilmasligi biz uchun juda muhim”, — dedi Zelenskiy.
Ukraina rahbari shu tariqa Belarus prezidenti Aleksandr Lukashenkoning so‘zlariga izoh berdi. Jumladan, Lukashenko Kiyev Minskka “hujum qilmaslik to‘g‘risida” shartnoma imzolashni taklif qilganini aytgan.
“Bir tomondan, ular bizdan Ukraina bilan jang qilmaslikni, qo‘shinlarimizni u yerga o‘tmaslikni so‘ramoqda. Hujum qilmaslik to'g'risida pakt tuzishni taklif qilishmoqda”, — dedi Lukashenko 24-yanvar kuni uchrashuvlardan birida.
Putinning matbuot kotibi Dmitriy Peskov “Kiyev Minskka hujum qilmaslik to‘g‘risida shartnoma taklif qilgani haqida Kremlda hech qanday ma’lumot yo‘q”ligini bildirgan.
Mavzuga doir:
Izoh (0)