Moliyaviy mojarolarga aralashib qolgan “Yuventus” UEFA tomonidan ham jazoga tortilishi mumkin.
La Gazzetta dello Sport nashrining xabar qilishicha, agar “Yuventus”ning moliyaviy qoidabuzarliklari isbotlanadigan bo‘lsa, u holda UEFA “sportga xos bo‘lmagan harakat” sabab turinliklarni jazoga tortadi.
2021-yilda “Yuventus” moliyaviy feyr-pley qoidalarini buzganligi bois 3,5 million yevro jarimaga tortilgandi. Agar yaqin uch yil ichida “Yuventus”da yana qandaydir moliyaviy qoidabuzarlik aniqlansa jarima miqdori 23 million yevroga oshadi. Shuningdek, klub Yevrokuboklardan ma’lum muddatga chetlatilishi ham mumkin.
Ehtimoliy taqiq “Yuventus” Yevrokuboklarga chiqqan taqdirdagina ishlaydi. Agar klub joriy mavsum A Seriya top-7 ligidan joy ololmasa, u holda jazo Turin jamoasi Yevropa birinchiliklariga qaytgan vaqtda amal qilishni boshlaydi.
Avvalroq sud “Yuventus”ni moliyaviy maxinatsiyalar va sarflangan pullar noto‘g‘ri sarflangani bois jazo tortilgandi. Klubdan A Seriyadagi ochkolaridan 15 ochko tortib olingan. Shundan keyin jamoa 10-pog‘onaga tushib ketdi.
Izoh (0)