Pergament — qandolat qog‘ozi 1927-yilda paydo bo‘lgan va hozirda deyarli har bir uyning oshxonasidan uni topish mumkin. Lekin undan pechning listini himoya qilishdan ko‘ra ko‘proq narsalar uchun foydalanish mumkin. “Noviy ochag” nashri qandolat qog‘ozidan samarali foydalanish usullari bilan tanishtirdi.
Eshik tutqichlari va jo‘mraklarini toza saqlash oson emas. Pergament qog‘oz esa bu borada ajoyib yordamchi. Qog‘ozga mum singdirilgan, shuning uchun u bilan tutqichlar artilganda, yuzalarda himoya qatlamini qoldiradi. Bundan tashqari, qog‘oz zanglamaydigan po‘latdan barmoq izlarini tezda olib tashlaydi.
Dazmol uchun
Dazmolning sirti qandolat qog‘ozi bilan artilsa, u matolar ustida yaxshiroq harakatlanadi. Shuningdek, pergament qog‘oz yuzasiga tuz sepib dazmol qilish ham mumkin. Ammo dazmol juda eskirgan va tag qismi qoraygan bo‘lsa, yangisini sotib olgan yaxshiroq.
Mikroto‘lqinli pech uchun
Mikroto‘lqinli pechning devorlariga sous va yog‘lar sachramasligi uchun idishni pergament bilan yopish kerak. Natijada mikroto‘lqinli pechni kamroq tozalashga erishish mumkin.
Kitoblar uchun
Agar tasodifan kitob yoki darslik varaqlariga suv to‘kilsa, ularning orasiga pergament qo‘yish tavsiya etiladi. Bu usul qog‘oz quriganida burishib qolmasligiga yordam beradi.
Rakovina uchun
Rakovina ostidagi quvurdan suv oqayotgan bo‘lsa, uni pergament qog‘ozi bilan zich qilib bog‘lab qo‘yish mumkin.
Bo‘yoq uchun
Qog‘ozdan doira shakli kesilib, bo‘yoq solingan idishga solinadi va qopqoq yopiladi. Bu bo‘yoqda quruq qatlam shakllanishiga to‘sqinlik qiladi va bo‘yoq sifatini o‘zgarishiga yo‘l qo‘ymaydi.
Pishloq uchun
Xarid qilingan pishloqning plastik plyonkani olib tashlab, uni pergamentga o‘rash tavsiya etiladi. Shunda u o‘zining ta’mini yaxshiroq saqlaydi va havo kirishiga imkon beradi.
Matolar uchun
Tabiiy matolarni pergamentda saqlash yaxshi, u namlik va yorug‘likni o‘tkazmaydi.
Shkaflar uchun
Zamok uchun
Zamok o‘z chizig‘i bo‘ylab tekis harakatlanishi uchun uni pergament qog‘oz bilan ishqalash kerak.
Ochqich uchun
Pergament qog‘oz bilan ochqichning ichiga tiqilib qolgan yog‘ni tozalash juda qulay.
Izoh (0)