21-yanvar kuni Buxoroda O‘zbekiston—Turkmaniston davlat chegarasini delimitatsiya va demarkatsiya qilish masalalari bo‘yicha qo‘shma hukumatlararo komissiya ishchi guruhlarining yig‘ilishi yakunlandi, deb xabar qilmoqda “Dunyo” AA.
TIV ma’lumotiga ko‘ra, 16—21-yanvar kunlari tomonlar O‘zbekiston va Turkmaniston o‘rtasidagi davlat chegarasini delimitatsiya va demarkatsiya qilish masalalari bo‘yicha hukumatlararo komissiyaning qo‘shma majlisiga tayyorgarlik ko‘rish masalalarini ko‘rib chiqdi.
Jumladan, davlat chegarasini demarkatsiya qilish bo‘yicha normativ-huquqiy va texnik hujjatlar loyihalari ko‘rib chiqildi va kelishib olindi.
Yig‘ilishda, shuningdek, ishchi guruhlarning 2023-yilga mo‘ljallangan yig‘ilishlari taqvimi kelishib olindi.
Muzokaralar yakunida protokol imzolandi.
Eslatib o‘tamiz, 2022-yilning dekabrida O‘zbekiston—Qozog‘iston davlat chegarasini demarkatsiya qilish to‘g‘risida shartnoma imzolangandi.
Mavzuga doir: 30 yillik muammo hal bo‘ldi: Mirziyoyev Qirg‘iziston bilan chegara va Andijon suv omboriga oid qonunlarni imzoladi
Izoh (0)