Samarqand viloyati Kattaqo‘rg‘on tumanida kelin-kuyov is gazidan vafot etgandi. Bosh prokuratura holat yuzasidan qo‘shimcha ma’lumot berdi.
Aniqlanishicha, 16-yanvar kuni Oltinsoy qishlog‘ida yashagan 26 yoshli erkak va uning 18 yoshli turmush o‘rtog‘i yashash xonadonida is gazidan zaharlanib vafot etgan.
Shu kuni marhumlar yaqin qarindoshlari tomonidan dafn etilgan. Biroq Kattaqo‘rg‘on tumani IIB va tibbiyot birlashmasiga ham kelin-kuyov vafot etganliklari haqida xabar kelib tushmagan.
Kattaqo‘rg‘on tumani IIB va tibbiyot birlashmasiga ham kelin-kuyov vafot etgani haqida xabar kelib tushmagan. Marhumlarning yaqinlari ushbu holat haqida ichki ishlar organlari va boshqa tashkilotlarga xabar bermaganliklari aniqlangan.
Tekshirish davomida Kattaqo‘rg‘on tuman IIB, tuman hokimligi Mahalla va oilani qo‘llab quvvatlash bo‘limi, tuman Oila va xotin qizlar bo‘limi hamda “Hududgaz Samarqand” korxonasiga xizmat tekshiruvlari tayinlangan.
Kattaqo‘rg‘on tuman prokuraturasi tomonidan voqea joyi ko‘zdan kechirilib, marhumlarning o‘lim sabablariga aniqlik kiritilmoqda. Tekshirish harakatlari davom etmoqda.
Izoh (1)
мархумларни якинлари даво килгани билан натижа булармикан узларини айбдор килишади. Бу Узбекистан