“Manchester Siti” bosh murabbiyi Pep Gvardiola “Tottenhem”ga qarshi bahsdan so‘ng (4:2) o‘z shogirdlarini tanqid ostiga oldi.

“Manchester Siti” futbolchilarining ishtiyoqi yo‘qligi haqida

So‘zsiz. Aks holda har bir o‘yinda o‘tkazayotgan gollarimizni o‘tkazmasdik. Shunchaki sovg‘a qilyapmiz gollarni. Bugun omadimiz keldi. Kelajakda bunday bo‘lmaydi.

“Shaharliklar” qanday qilib o‘yinni qaytarib olgani haqida

Bu mening vazifam, mening ishim. Muxlislarni qaytarmoqchiman. Gap mehmondagi tomoshabinlar emas, “Etihod”ga keladigan muxlislar haqida. Har bir burchakda, har bir harakatimizda qo‘llab-quvvatlashga muhtojmiz. Biz ularni qaytarishimiz lozim.

Premyer Liga kutib turmaydi. “Arsenal”ga qarshi kurashyapmiz va ularning ko‘zlarida olov yonmoqda. Ular 20 yil davomida APLda g‘alaba qozonmagan, shu sababdan jamoadagi har bir futbolchi g‘alaba qozonsa tarix yozishini tushunmoqda. Agar biz ham o‘zimizni APLda ilk bor g‘alaba qozonayotgandek tutganimizda, chempionatni ketma-ket ikkinchi marta yutib, rekordlarni qayd etayotgan bo‘lardik.

Hozir ko‘zimizda olov yonmayapti va hech narsa so‘rashga haqqimiz yo‘q. Hamma komfortga o‘rganib qolgan. Raqiblar esa buni kutib turmaydi. Albatta, noroziman. Jamoamni taniy olmayapman. Mening jamoamda tirishqoqlik, istak va hamma narsa bor edi.

Pep Gvardiola, “Manchester Siti” bosh murabbiyi