Bugun,

  • USD 11095.31
  • RUB 173.84
  • EUR 10772.44

O‘zbekiston 2022-yilda Xitoyga quvur orqali 1,07 mlrd dollarlik gaz yetkazib berdi. Bu haqda Xitoy Bosh bojxona boshqarmasi ma’lumotlariga tayanib, “TASS” xabar bermoqda

Foto: Bloomberg

Foto: Bloomberg

Boshqarmaning onlayn tizimida 2022-yilda ko‘rsatilgan energiya tashuvchisi importining fizik hajmi, avvalgi yillardagidan farqli o‘laroq, ko‘rsatilmagan.

Departament ma’lumotlariga ko‘ra, Xitoyga gaz quvuri sotuvchi davlatlar orasida Turkmaniston birinchi o‘rinni egallab turibdi: 12 oy davomida bu mamlakatdan Xitoyga yetkazib berilgan hajmi 10,25 milliard dollarni (51 foizga o‘sish) tashkil etdi. 

Keyingi o‘rinlarda Rossiya (1,51 mlrd dollar), Myanma (1,43 mlrd dollar), Qozog‘iston (1,08 mlrd dollar) va O‘zbekiston ( 1,07 mlrd dollar).

2022-yilda O‘zbekistondan Xitoyga gaz yetkazib berish hajmi 2021-yilga nisbatan 34 foizga oshgan. 

Daryo muxbiri ushbu mavzu yuzasidan gaz eksporti uchun mas’ul bo‘lgan “O‘ztransgaz” AJ axborot xizmati bilan bog‘landi. Biroq mazkur axborotni tasdiqlovchi yoki inkor etuvchi ma’lumotni olishning imkoni bo‘lmadi.

“O‘zbekistonda statistika bilan shug‘ullanuvchi maxsus davlat organi bor. Biz boshqa mamlakatning emas, O‘zbekistonning rasmiy ma’lumotiga tayanishingizni so‘raymiz”, — dedi tashkilot matbuot kotibi Tolib Rahmatov.

Avvalroq O‘zbekistonga Turkmanistondan gaz yetkazib berishdagi muammolar Xitoyga jiddiy ta’sir qilishi mumkinligi haqida xabar berilgan edi.

Izoh
Asosiy yangiliklar
Mahalliy
O‘zbekistonda birinchi avtomatlashtirilgan smart sanitar-gigiyenik shoxobcha ishga tushirildi (foto)
Mahalliy
O‘zbekistonda 31-mart kuni 32 darajagacha issiq bo‘ladi
Mahalliy
Samarqanddagi eski tovuq fabrikasida gaz portladi