Prezident administratsiyasi rahbari o‘rinbosari Komil Allamjonov 20-yanvar kuni Meta kompaniyasi vakillari bilan uchrashuv o‘tkazdi.
Qayd etilishicha, Facebook va Instagram platformalari jamoatchilik fikr bildiradigan, muammolar o‘rtaga tashlanadigan, bahs hamda fikrlar maydoniga aylangan. Ularning mavjud imkoniyatlari esa kundan-kunga ko‘payib bormoqda.
Shu sababli kompaniyaning Osiyo—Tinch okeani mintaqasi davlat siyosati bo‘yicha vitse-prezidenti Saymon Milner va kompaniyaning boshqaruvchi direktori, Katta Xitoy, Mo‘g‘uliston va Markaziy Osiyo mamlakatlari davlat siyosati masalalari bo‘yicha rahbari Jorj Chen bilan uchrashuv bo‘lib o‘tgan.
“Uchrashuvda O‘zbekiston va Meta kompaniyasi hamkorligi doirasida hamkorlikda amalga oshiriladigan loyihalarni muhokama qildik. Samimiy va do‘stona hurmat uchun Saymon Milnerga, va ayniqsa, do‘stim Jorj Chenga katta rahmat”, — deyiladi xabarda.
Izoh (0)