Futbol bo‘yicha Angliya Premyer Ligasining qoldirilgan 7-tur o‘yinida “Manchester Siti” va “Tottenhem” 19-yanvar, payshanba kuni o‘zaro bahs olib bordi.
Uchrashuvning birinchi bo‘limi “Tottenhem” foydasiga hal bo‘ldi. Deyan Kulusevski va Emerson Royal gol muallifiga aylandi. Ikkinchi bo‘limda esa “shaharliklar” “uyg‘ondi”. 51-daqiqada Xulian Alvares, 53-daqiqada Erling Holand gol urib, muvozanatni tikladi. 63-daqiqada Riyod Mahrez “Manchester Siti”ni hisobda oldinga olib chiqdi. 90-daqiqada esa Mahrez dublni rasmiylashtirdi.
Shu tariqa Pep Gvardiola shogirdlari g‘alaba qozondi.
Ushbu g‘alabadan so‘ng “Manchester Siti” ochkolari sonini 42 taga yetkazib, 2-o‘rinni egalladi. “Tottenhem” esa 33 ochko bilan 5-pog‘onadan joy oldi.
APL
Qoldirilgan 7-tur bahsi
19-yanvar, payshanba
“Manchester Siti” — “Tottenhem” 4:2
Gollar: 0:1 – 44 Kulusevski, 0:2 – 45 Emerson, 1:2 – 51 Alvares, 2:2 – 53 Holand, 3:2 – 63 Mahrez, 4:2 – 90 Mahrez.“Manchester Siti”: Ederson, Lyuis (Uoker, 83), Stounz, Akanji, Ake, Gundo‘g‘an (Bernardu Silva, 81), Grilish, Rodri, Mahrez, Holand (Ruben Diash, 90), Alvares.
“Tottenhem”: Lyoris, Emerson (Risharlison, 78), Dayer, Devis (Langle, 78), Romero, Perishich (Sessenyon, 69), Hyoyberg, Bentankur (Bissuma, 75), Kulusevski, Son Hyon Min, Keyn.
Ogohlantirishlar: Mahrez (21), Romero (23), Hyoyberg (31).
Izoh (0)