Ko‘pgina parhezshunoslar, shakar va kraxmalli ovqatlarni ko‘p iste’mol qilish noto‘g‘ri ovqatlanish emas, balki biologik kasallik ekanini ta’kidlaydi. Shakar va uglevodlar gormon va neyrotransmitterlar tomonidan boshqariladi. Natijada nazoratsiz shakar iste’moli va ortiqcha ovqatlanish, afsuski, pechenye, shirinlik, gazli ichimlik, souslar ko‘plab zamonaviy odamlarning odatiy ratsioniga kiradi va ular salomatlik uchun katta xavf tug‘diradi. Bir tadqiqotda Garvard tadqiqotchilari sutli kokteyl nafaqat qondagi qand miqdori va insulin darajasini oshirib, shakarga bo‘lgan ishtiyoqni qo‘zg‘atadi, balki miyada ham o‘zgarishlarga olib kelishini aniqladi, deb yozadi Marie Claire.
Shakarga bo‘lgan ishtiyoqdan xalos bo‘lish va sog‘liqqa zarar yetkazadigan uglevodlarga qaramlikni bartaraf etish uchun detoks rejasiga amal qilish kerak. Organizmni tozalash va qayta tiklash uchun ushbu qoidalarga faqat 10 kun rioya qilish kifoya!
Shirinliklardan birdan voz keching
Afsuski, to‘liq rad etishdan tashqari, chinakam fiziologik qaramlik bilan kurashishning hech qanday usuli yo‘q. Shirinliklarni iste’mol qilishdan birdaniga to‘xtash kerak: shakarli barcha mahsulotlar, xamir ovqatlar va barcha sun’iy ta’m beruvchilar. Shuningdek, tarkibida transyog‘lar yoki natriy glutamatdan ham voz kechish tavsiya etiladi.
Kaloriyaga boy ichimlik ichmang
Shakarning suyuq shakllari shakar yoki unli qattiq oziq-ovqatlarga qaraganda ancha zararli. Tasavvur qiling-a, shakarli ichimliklar to‘g‘ridan to‘g‘ri jigarga kiradi. To‘qlik hissi paydo bo‘lmaydi, shuning uchun kun davomida ovqatlanish istagi qiynaydi, natijada shakar va uglevodlar yanada ko‘proq qabul qilinadi.
Gazli ichimlik, shirin choy yoki qahva, barcha sharbatlar va energetik ichimliklar kaloriyaning eng katta manbai hisoblanadi. Esingizda bo‘lsin, yarim litr gazli ichimlik 15 choy qoshiq shakarni o‘z ichiga oladi. Kuniga bir butilka gazli ichimlik bolada semirib ketish xavfini 60 foizga, ayollarda esa qandli diabet xavfini 80 foizga oshiradi.
Ratsionga ko‘proq oqsil qo‘shing
Har bir taomda, ayniqsa nonushtada oqsilga boy taomlarni iste’mol qilishga harakat qiling. Bu muvozanatli shakar va insulinning kalitidir, shuningdek, shakarga bo‘lgan ishtiyoqni kamaytiradi. Yong‘oq, urug‘, tuxum, baliq iste’mol qilish tavsiya etiladi.
Oddiy uglevodlarni cheksiz miqdorda iste’mol qiling
Ko‘katlar, karam (gulkaram, brokkoli, Bryussel karami va boshqalar), yashil loviya, piyoz, qovoqcha, pomidor, baqlajon, bodring kabi kraxmali bo‘lmagan sabzavotlardan iste’mol qilishga ruxsat beriladi. Kartoshka, qovoq va lavlagi ratsiondan 10 kunga chiqarib tashlanishi kerak.
Yog‘ yordamida shakar bilan kurashing
Ortiqcha vaznning sababi yog‘ emas, balki shakardir. Yog‘ to‘qlikni keltirib chiqaradi va hujayralarni oziqlantirish uchun zarurdir, qonda shakar darajasini muvozanatlashda yordam beradi. Yong‘oq va urug‘lar, zaytun yog‘i, kokos yog‘i, avokado va omega-3 yog‘ kislotalari kabi sog‘lom yog‘larni har bir taom va gazakda oqsil bilan birga iste’mol qilish tavsiya etiladi.
Favqulodda vaziyatlarga tayyorlaning
Qonda shakar darajasi pasaygan vaziyatlarga tayyorgarlik ko‘rish muhimdir va bunga sog‘lom ovqatlanish uchun qulay bo‘lmagan joylar, masalan, aeroport yoki ofis sabab bo‘lishi mumkin. 10 kunlik detoks uchun ovqatlanish haqida oldindan o‘ylab ko‘rish va foydali gazaklardan bodom, yong‘oq, qovoq urug‘lari, rezavor, sabzavotlarni iste’mol qilish mumkin.
Yallig‘lanish jarayonini to‘xtating
Tadqiqotlar shuni ko‘rsatadiki, yallig‘lanish qonda shakar muvozanati buzilishi va qandli diabetning sababidir. Yallig‘lanish jarayonlarining eng keng tarqalgan manbai shakar, un va transyog‘laridan tashqari, bir qator oziq-ovqat mahsulotlariga bo‘lgan yashirin qarshilikdir. O‘n kun davomida glyuten va sut mahsulotlarini rad etish lozim. Buni qilish oson bo‘lmaydi, lekin ularsiz ikki yoki uch kundan so‘ng yangi energiya to‘lqini paydo bo‘ladi, ortiqcha vazn va ko‘plab nosog‘lom alomatlar yo‘qoladi.
Yetarlicha uxlang
Uyquning yetishmasligi shakar va uglevodlarga bo‘lgan ishtiyoqni keltirib chiqaradi, chunki bu to‘qlik gormonlariga ta’sir qiladi. Tadqiqotlarda tavsiya etilgan sakkiz soatlik uyqudan atigi ikki soatidan mahrum bo‘lgan talabalarda ochlik gormonlarining ko‘payishi, ishtahani bostiruvchi gormonlarning kamayishi, shakar va oddiy uglevodlarga bo‘lgan ishtiyoqning oshishi kuzatildi. Biror kishi yetarlicha uxlamasa, u energiyaga ega bo‘lmaydi, shuning uchun u osonroq hazm bo‘ladigan shakarni iste’mol qiladi. Uyqu — ortiqcha ovqatlanish bilan kurashishning eng yaxshi usuli. Uxlash orqali uglevodlarga bo‘lgan ishtiyoq va ortiqcha vazn bilan osongina kurashish mumkin.
Shakarsiz sog‘lom shirinliklar
Meva va rezavorlardan tayyorlanadigan salat va smuzilar, ularning quritilganini bemalol iste’mol qilish mumkin. Faqatgina mevalarni boshqa ovqatdan keyin darhol iste’mol qilmaslik kerak, buning uchun 1-2 soat kutish lozim, aks holda fermentatsiya boshlanadi va natijada sog‘liqda o‘zgarishlar kelib chiqadi. Tabiiy qora shokolad ham sog‘lom shirinliklarga tegishli, ammo uning tarkibida kamida 70 foiz kakao bo‘lishi kerak.
Mavzuga doir:
- С vitamini: qaysi mahsulotlar tarkibida bor, nima uchun foydali va u koronavirusni davolashda yordam beradimi?
- Ishtahasizlikni yengib o‘tishning 12 usuli: sinab ko‘ring, ular chindan ham yordam beradi
- Vazn ortishi, qaramlik sindromi: qahvadan bir muddat voz kechishingiz kerakligini bildiruvchi 4 ta belgi
Izoh (0)