O‘zbekistonda “Dok-1 Maks”dan vafot etgan bolalar oilalariga kompensatsiya to‘lanishi mumkin

O‘zbekistonda “Dok-1 Maks” siropidan vafot etgan bolalar oilalariga kompensatsiya to‘lanishi mumkin. Bu haqda sog‘liqni saqlash vaziri o‘rinbosari Elmira Bositxonova Xalqaro press-klubning 18-yanvardagi sessiyasida aytib o‘tdi.

“Dori ichganligi to‘g‘risida ota-onasining suhbatidan aniqlangan. Qaysi dorini ichgan, qaysi doridan zaharlangani hujjat bilan tasdiqlansagina, kompensatsiya to‘lash bo‘yicha yuridik jarayonlar boshlanishi mumkin bo‘ladi”, — degan vazir o‘rinbosari.

Uning qayd etishicha, ayni paytda har bil bola to‘g‘risida tekshiruvlar olib borilmoqda.

Quramax Medical MCHJ tomonidan Hindistondan O‘zbekistonga import qilingan ushbu dori vositasi bo‘yicha jinoyat ishi qo‘zg‘atilgan. Dastlabki tergov harakatlari davomida “Dok-1 Maks” dori vositasi belgilangan tartibda laboratoriya sinovlaridan o‘tkazilmagani aniqlangan.

Shundan so‘ng Quramax tomonidan O‘zbekistonga olib kirilgan barcha dorilar sotuvi to‘xtatildi.

Mavzuga doir: 

• “Tibbiy ekspertizada o‘g‘limning buyragi va jigari ishdan chiqqani ma’lum bo‘ldi” — “Dok-1 Maks” dan vafot etgan qashqadaryolik bolaning otasi
• “Sirop haqida eshitib, vaziyatni bilganimizda jiyanim shifoxonada edi” — “Dok-1 Maks” siropidan zaharlanib, vafot etgan 1,5 yoshli bolaning ammasi