O‘zbekistonda 2022-yilda umumiy ovqatlanish faoliyati bilan shug‘ullanuvchi 18 793 ta kompaniya tomonidan 846,6 mlrd so‘m soliq to‘langan.
Shundan 142,2 mlrd so‘mi, ya’ni 16,8 foizi 20 ta korxona hisobiga to‘g‘ri keladi. Ular to‘lagan soliqlar 1,4 trln so‘m tovar aylanmasining 10 foizini tashkil etgan, qo‘llangan soliq imtiyozlari miqdori esa 23,2 mlrd so‘m bo‘lgan.
Mazkur sohada 2022-yil davomida eng ko‘p soliq to‘lovchilar orasida KFC restoranlar tarmog‘iga egalik qiluvchi International Foodchain kompaniyasi yetakchilik qilmoqda — 34,5 mlrd so‘m.
Bu borada ikkinchi o‘rinda EVOS restoranlar tarmog‘i qayd etilgan — 24,7 mlrd so‘m. KFC ham, EVOS ham 2022-yilda 3,6 mlrd so‘mlik soliq imtiyozlariga ega bo‘lgan.
Umumiy ovqatlanish sohasida barcha soliq to‘lovchilar tomonidan ta’minlangan tushumlar soliq turlari kesimida:
- QQS — 90,7 mlrd so‘m;
- Foyda solig‘i — 26,3 mlrd so‘m;
- JSHODS — 23,7 mlrd so‘m;
- Mol-mulk solig‘i — 1,1 mlrd so‘m;
- Yer solig‘i — 0,4 mlrd so‘m.
O‘tgan yili umumiy ovqatlanish sohasidan jami 846,6 mlrd so‘m soliq tushumlari kelib tushgan. Bu ishlab chiqarish sohasida “O‘zmetkombinat” to‘laydigan soliqdan ham kamroq.
Izoh (0)