“Singapurdan dunyo bo‘ylab juda ko‘p logistika ishlarini amalga oshiramiz” — singapurlik tadbirkor

O‘zbekiston prezidentining Singapurga rasmiy tashrifi arafasida bo‘lib o‘tgan ikki davlat tadbirkorlari o‘rtasidagi ishbilarmonlik aloqalarini har tomonlama mustahkamlashga qaratilgan O‘zbekiston—Singapur biznes-forumida Singapurning United FMO kompaniyasi direktori Ramesh Paniker intervyu berdi.

Uning aytishicha, kompaniya logistika va neft savdosi bilan shug‘ullanadi.

“Singapurdan dunyo bo‘ylab ko‘plab logistika ishlarini amalga oshiramiz. Men bu yerga boshqalar bilan yanada yaxshiroq aloqalar o‘rnatish uchun kelganman. Biz ishlayotgan sohada birgalikda hamkorlik qilishimiz mumkin bo‘lganlarni intizorlik bilan kutyapmiz”, — deydi u.

Ta’kidlanishicha, Ramesh O‘zbekistonga yaqin orada biznes bo‘yicha hamkorlikni kengaytirish uchun keladi.

“Umid qilamanki, muhim biznes kelishuvlariga erishiladi. Ko‘plab g‘oyalarni baham ko‘raman. Yangi biznes darajalarni olib kirishimizga ishonaman”, — deya qo‘shimcha qiladi u.