Olmaliq kon-metallurgiya kombinatining Mis eritish zavodi tarkibidagi Noyob metallar ishlab chiqarish sexi kengaytirilmoqda.
Ushbu sexda asosan tarkibida miqdori 25 foiz dan kam bo‘lmagan molibden kuyindisi hamda tarkibida 69,3 foizdan kam bo‘lmagan reniy bo‘lgan perranat ammoniy olinadi.
Ayni kunlarda ushbu sexda mavjud 4 ta pechga qo‘shimcha yana 2 ta pech qurilmoqda. Bu pechlarni mart oyida ishga tushirish mo‘ljallanmoqda. Ushbu pechlar kombinatning o‘zida ishlab chiqarilgan va ishlab chiqarish quvvati chet elnikiga nisbatan 30 foiz yuqori. Pechlarni o‘rnatish ishlari ham kombinatning “Olmaliqmetallurgqurilish” tresti ishchilari tomonidan amalga oshirilmoqda.
Yangi qurilayotgan 3-Mis boyitish fabrikasidan keladigan yarim tayyor mahsulotlar ham ushbu sexda qayta ishlanadi.Bundan tashqari, sexning yarim tayyor mahsulotlarni saqlash ombori ham kengaytirilmoqda.
Molibden kuyindisini kombinatning o‘zida chuqur qayta ishlash yo‘lga qo‘yilgan, perranat ammoniy esa to‘liq eksportga jo‘natiladi.
Molibdendan metallarni legirlashda, qattiq qotishmali texnologik uskunalar tayyorlashda foydalaniladi.
Perranat ammoniydan esa harbiy maqsadlarda raketalarga, radiotexnika hamda katalizatorlarda foydalaniladi.
Hozirgi kunda sexda yiliga 750 tonna molibden kuyindisi olinayotgan bo‘lsa, yangi pechlarning ishga tushirilishi hisobiga bu ko‘rsatkich 1200 tonnaga yetkaziladi.
Reklama huquqi asosida.
Izoh (0)