2022-yilning noyabrida bankrot bo‘lgan kriptobirja — FTX xakerlik hujumi chog‘ida uning hisob raqamlaridan 415 million dollar olib qo‘yilgani haqida xabar berdi. Bu haqda kriptobirja saytidagi kreditorlarga yo‘llangan xabarda aytiladi.
Xabarda aytilishicha, xalqaro “FTX.com” saytidan 323 million dollar, kompaniyaning Amerika bo‘linmasi hisoblaridan yana 90 million dollar o‘g‘irlangan, Alameda Research fondidan esa 2 million dollar olib qo‘yilgan.
Kompaniyaning ta’kidlashicha, mazkur kiberhujum o‘tgan yilning noyabrida birja qulaganidan ko‘p o‘tmay sodir bo‘lgan.
FTX Group 11-noyabr kuni bankrotlik to‘g‘risida ariza bergandi. Ertasi kuni Bagama orollari hukumati bankrot kriptovalyutaning 3,5 milliard dollarlik raqamli aktivlarini ularning xavfsizligi uchun musodara qilgan.
FTX asoschisi Sem Bankmen-Frid Qo‘shma Shtatlarda bo‘lib, u yerda investor firibgarlik ishining bir qismi sifatida ekstraditsiya qilingan.
U 13-dekabr kuni Bagama orollarida AQSH talabiga binoan kriptovalyuta investorlarini aldashda ayblanib hibsga olingan. FTX advokatlari mijozlarga tovon to‘lash uchun 5 milliard dollar to‘pladi.
Avvalroq xakerlar 2022-yilda 3,5 milliard dollarlik kriptovalyutalarni o‘g‘irlagani haqida xabar berilgandi.
Izoh (0)