O‘zbekiston prezidentining Singapurga rasmiy tashrifi arafasida bo‘lib o‘tgan ikki davlat tadbirkorlari o‘rtasidagi ishbilarmonlik aloqalarini har tomonlama mustahkamlashga qaratilgan O‘zbekiston—Singapur biznes-forumida Savdo-sanoat palatasi raisi Davron Vahobov intervyu berdi.
Uning aytishicha, davlat rahbari tashrifi doirasida 2 ta yirik bitimga qo‘l qo‘yilgan.
“Birinchisi, O‘zbekiston—Singapur savdo palatasi tashkil qilindi. Aynan shu savdo sanoat palatasi a’zolari O‘zbekistondagi yirik korxona va Singapurdagi kompaniyasi ta’sischi sifatida kiritildi. Tovar aylanmasi 500 million dollardan kam bo‘lmadi. Ularning asosiy vazifasi – quritilgan meva, sabzavot, dukkakli o‘simliklar va tovuq go‘shtini import qilib, Xitoy bozoriga olib kirish”, — deydi u.
Davron Vahobovning aytishicha, bitimlardan ikkinchisi — biznes inkubator tuzilgan.
“Ishlab chiqaruvchilar uyushmasi 1932-yilda Singapurda tashkil topgan. Unga 5000 ga yaqin ishlab chiqaruvchilar a’zo bo‘lgan. Biz yoshlar malakasini oshirishni ko‘zlayapmiz. Yilning birinchi 6 oyligida 50 ga yaqin yoshlar 2 haftalik kurslarda qatnashishini rejalashtiryapmiz”, — deydi Savdo-sanoat palatasi raisi.
Izoh (0)