Eron Ukrainaga “Hizbulloh”ning 150 nafar jangarisini yuboradi — OAV
Eron Liviyadan Ukrainaga “Hizbulloh”ning 150 nafar jangarisini dronlarni boshqarish uchun yuborishni rejalashtirmoqda. Bu haqda manbalarga tayanib, Abu Ali Express xabar berdi.
Nashr ma’lumotlariga ko‘ra, 2022-yil dekabrida “Hizbulloh” jangarilari jangchilarni yuborish masalasini muhokama qilish uchun Livan bilan chegaradan uncha uzoq bo‘lmagan Dimas shahrida muzokara o‘tkazgan. Eronning kamikadze kabi turli dronlaridan Liviyadagi “Hizbulloh” jangarilari ham foydalanmoqda. Yollanma askarlarning Ukrainaga qachon yuborilishi haqida aniq sana yo‘q.
Shu bilan birga, Isroil manbalari Eron nega Ukrainaga instruktorlarni emas, balki jangarilarni yuborishni rejalashtirayotgani tushunarsizligini ta’kidlaydi. Ehtimol, ular livanlik jangchilarni frontga Rossiya qo‘shinlarini qo‘llab-quvvatlash, shuningdek, Eron zarba beruvchi dronlaridan foydalanish bo‘yicha jangovar tajriba orttirish uchun jo‘natmoqchi.
Hizbulloh — Livandagi yarim harbiylashtirilgan shia tashkiloti va Livanda Eron namunasidagi islomiy davlat yaratishni yoqlovchi siyosiy partiyadir. U Eron islom inqilobi yetakchisi Oyatulloh Humayniy g‘oyalariga asoslanadi.
Mavzuga doir:
- Rossiya Eronga Su-35 samolyotlarini bermoqchi — G‘arb razvedkasi
- Qrimda rus harbiylariga Shahed dronlaridan foydalanishni o‘rgatmoqchi bo‘lgan eronlik harbiy maslahatchilar o‘ldirildi
- Rossiya va Eron
